މާލެ މަގުމަތީގައި މީހަކަށް ވަޅިން ބިރުދައްކައި ފޯނު ފޭރުނު އަންހެން މީހާގެ ބަންދުގެ މުއްދަތަށް 10 ދުވަސް އިތުރުކޮށްފިއެވެ.
ފުލުހުން ބުނިގޮތުގައި ތޫނު ހަތިޔާރު ބޭނުންކޮށްގެން ފޭރުނު މައްސަލައިގާ ބަންދު ކޮށްފައިވާ ގދ. ވާދޫ، ބުރުނިއާގެ ޝާނާ މުހައްމަދު ޖުނައިދު (26އ) މައްސަލައިގެ ތަހުގީގަށެވެ. ނަމަވެސް އޭނާ ވަނީ ކޯޓުގައި އެ ކުށަށް އިންކާރު ކޮށްފައެވެ.
އެ ކޯޓު އަމުރުގައި ބުނެފައިވަނީ ކުށްކުރި ކަމަށް ތުހުމަތުކުރެވޭ މިންވަރަށް ހެއްކާއި ގަރީނާ ހުށަހަޅާފައިވާ ކަމަށެވެ. އަދި ހާދިސާ ހިނގި ތަނަށް ދިޔަ ފުލުހުންގެ ހާދިސާ ރިޕޯޓުގައިވާ ހެކިތަކަށް ކޯޓުން ރިއާޔަތްކުރުމުގެ އިތުރުން ވަނީ އޭނާ ޖަލުގައި ބަހައްޓަން ޖެހެނީ އޭނާ ދޫކޮށްލައިފި ނަމަ މުޖުތަމައުގެ ސަލާމަތަށް ނުރައްކަލެއް ދިމާވެދާނެތީ ކަމަށްވެސް އެ އަމުރުގައި ބުނެފައެވެ.
މީގެއިތުރުން ފުލުހުން ބުނެފައިވަނީ އޭނާހައްޔަރު ކޮށްފައިވަނީ މިދިޔަ ބުރާސްފަތި ދުވަހު މާލޭ މަގުމަތިން ކަމަށެވެ.
