ޕެރިސް، އޮގަސްޓް 25، /ޓާސް/: މަޝްހޫރު ސޯޝިއަލް މީޑީޔާ ޕްލެޓްފޯމް "ޓެލެގްރާމް" ގެ ބާނީ ރަޝިޔާގެ ޕަވެލް ޑޫރޯވް ފްރާންސަށް ދިޔުމުން ރޭގެ ވަގުތެއްގައި ހައްޔަރުކޮށްފިއެވެ.
"ޓާސް" އިން ރިޕޯޓްކޮށްފައިވާ ގޮތުގައި ޑޫރޯވް ބަންދުކޮށްފައި ވަނީ ލެ ބޯޖެޓް އެއާޕޯޓުގަ އެވެ. އޭނާއާއެކު އޭނާގެ ލޯބިވެރިޔާ އާއި ބޮޑީގާޑެއް ވެސް ފްރާންސަށް ދިޔައެވެ.
އެމެރިކާގެ އެފްބީއައިއިން ވަރަށް ބޮޑަށް ފާރަލަމުންދިޔަ ޑޫރޯވް ފްރާންސަށް ދިޔައީ ރަޝިޔާ ސަރުކާރުން އޭނާ ހައްޔަރުކޮށްފާނެ ކަމުގެ ބިރަށް ކަމަށް ބައެއް ރިޕޯޓްތައް ބުނެއެވެ. ފްރާންސްގެ މީޑިޔާތަކުން ރިޕޯޓް ކުރާ ގޮތުގައި މިއަދުގެ ވަގުތެއްގައި ޑޫރޯވް ކޯޓަށް ހާޒިރުކުރާނެއެވެ.
ޑޫރޯވްއަކީ ޔޫއޭއީގެ ރައްވެހިކަންވެސް ހޯދާފައިވާ ފަރާތެއްކަން ފާހަގަ ކޮށްލެވެއެވެ. އޭނާގެ މިލްކިއްޔާތުގައި 15 ބިލިޔަން ޑޮލަރު ހުރިކަމަށް ފޯބްސްގެ ތަފާސް ހިސާބުތަކުން ދައްކައެވެ.
