ފަލަސްތީނުގެ ޣައްޒާ ސިޓީއަށް ރޭ ފަތިހު ސަހްޔޫނީ އިސްރާއީލުން ދިން ވައިގެ ހަމަލާތަކުގައި ފަސް މީހުން ޝަހީދު ވެއްޖެއެވެ.
އިސްރާއީލުން ދިން ވައިގެ ހަމަލާއެއްގައި ފަސް މީހަކު މަރުވެފައިވާ ކަމަށް ފަލަސްތީނުގެ ރަސްމީ ނޫސް އެޖެންސީ ވަފާއިން ބުނެއެވެ.
ސަހްޔޫނީ އިޒްރޭލުގެ ހަމަލާ އަމާޒުކޮށްފައިވަނީ ޣައްޒާ ސިޓީގެ ހުޅަނގު ފަރާތުގައި ހުންނަ "ޕޭޝަންޓްސް ފްރެންޑްސް ހޮސްޕިޓަލް" ކައިރީގައި ހުންނަ ގެއަކަށް ކަމަށް މެޑިކަލް މަސްދަރުތަކާ ހަވާލާދީ ވަފާ ބުންޏެވެ. މި ހަމަލާތަކާ ގުޅޭ ގޮތުން އިސްރާއީލުގެ ހައްދުފަހަނައެޅި އަސްކަރީ އޮފިޝަލުން އެއްޗެއް ބުނެފައެއް ނުވެއެވެ.
މިދިޔަ އަހަރުގެ އޮކްޓޫބަރު 8 ވަނަ ދުވަހުން ފެށިގެން ޣައްޒާ ސިޓީއަށް އިޒްރޭލުން ދެމުން އަންނަ އުދުވާނީ ހަމަލާތަކުގައި މިހާތަނަށް 40،000 އަށްވުރެ ގިނަ ރައްޔިތުން ޝަހީދު ކޮށްލާފައެވެ.
