އިޓަލީގެ ޔުވެންޓަސްއަށް ކުޅެމުންދިޔަ އެގައުމުގެ ބައިނަލްއަގުވާމީ ވިންގަރ ފެޑެރީކޯ ޗިއޭސާ ދިހަ މިލިޔަން ޕައުންޑަށް އިނގިރޭސި ޕްރިމިއަރ ލީގުގެ ލިވަޕޫލަށް ބަދަލުވެއްޖެއެވެ.
ލިވަޕޫލަށް ޗިއޭސާ،26، ސޮއި ކުރީ ކިތައް އަހަރަށް ކަމަށް އެކްލަބުން އަދި ހާމަކޮށްފައެއް ނުވެއެވެ. ރިޕޯޓުތައް ބުނާ ގޮތުން ޗިއޭސާ ސޮއި ކުރީ ދިގު މުއްދަތުގެ އެއްބަސްވުމެއްގައެވެ.
މެޑިކަލް ޓެސްޓްތައް ހެދުމަށް ލިވަޕޫލަށް ފުރުމުގެ ކުރިން "ސްޕޯޓް އިޓާލިއާ" އަށް ދިން ބަސްދީގަތުމެއްގައި ޗިއޭސާ ބުނީ ކެރިޔަރުގައި އައު ސޮފްހާއެއް ލިޔަން ތައްޔާރަށް ހުރި ކަމަށެވެ.
ވިންގުން ވަރަށް ހަލުވިކޮށް ކުޅޭ ޗިއޭސާ އެންމެންގެ ލޮލުގައި އަޅައިގަތީ 2021 ވަނަ އަހަރު އިޓަލީގައި ބޭއްވި ޔޫރޯ ފުޓްބޯޅަ މުބާރާތުގައެވެ. އެންމެން ހައިރާން ކޮށްލައި އެމުބާރާތް އިޓަލީއިން ކާމިޔާބު ކުރިއިރު، އެންމެ ބޮޑަށް ވިދާލީ ޗިއޭސާއެވެ.
ޔުވެންޓަސްއަށް ކުޅެދިން 131 މެޗުގައި 32 ލަނޑު ޗިއޭސާ ވަނީ ޔުވެންޓަސްއަށް ކާމިޔާބު ކޮށްދީފައެވެ. އެކަމަކު މިސީޒަނުގައި ތިއާގޯ މޮއްޓާގެ އިރުޝާދުގެ ދަށުން ކުޅެމުން އަންނަ ޔުވެންޓަސްގެ ސްކޮޑުންވެސް ޗިއޭސާއަށް ޖާގަ ދީފައެއް ނުވެއެވެ.
