ޓްރެފިކް ޕޮލިހުން އެއްގަމު ދަތުރުފަތުރުގެ ގާނޫނަށް އަހުލުވެރިކުރުވުމުގެ ޕްރޮގްރާމެއް ފަށައިފިއެވެ.
މި ޕްރޮގުރާމު ކުރިއަށް ދާނީ މިމަހުގެ 10ވަނަ ދުވަހުން ފެށިގެން މަސްދުވަހުގެ މުއްދަތަކަށެވެ. މި ޕްރޮގްރާމުގައި، އެއްގަމު ދަތުރުފަތުރުކުރުމުގެ ގާނޫނާއި ގަވާއިދުތައް ތަންފީޒުކުރުން އިތުރަށް ހަރުދަނާކުރުމަށް މުވައްޒަފުންނަށް ބޭނުންވާ މައުލޫމާތުދިނުމަށް ހަމަޖެހިފައިވެއެވެ.
މިގޮތުން، އެއްގަމު ދަތުރުފަތުރުގެ ގާނޫނާއި ގަވާއިދުތައް ތަންފީޒުކުރުމަށް ބޭނުންވާނެ މުހިންމު މައުލޫމާތުތަކާއި، ގާނޫނު ތަންފީޒުކުރުމުގައި ދިމާވާ ދަތިތަކާ ކުރިމަތިލައި އެކަންކަން ހައްލުކުރާނެ ގޮތުގެ މައުލޫމާތު މި ޕްރޮގުރާމު ހިއްސާކުރާނެއެވެ.
މި ޕްރޮގްރާމު ކުރިއަށް ގެންދަނީ ރޯޑް ސޭފްޓީ އެވެއާނަސް އެންޑް ޕްރިވެންޝަންގެ ފަރާތުންނެވެ.
