މީހެއްގެ ޖީބުން މާލޭ މަގުމައްޗަށް ވެއްޓުނު 17000 ރުފިޔާ ފުލުހުން ހޯދައިފިއެވެ.
ރޭ މީޑިއަތަކަށް ފޮނުވި މެސެޖެއް ގައި ފުލުހުން ބުނީ މިމަހުގެ 9 ވަނަ ދުވަހު މީހެއްގެ ޖީބުން މަގުމައްޗަށް 17000 ރުފިޔާ ވެއްޓި ގެއްލިފައިވާކަމުގެ ރިޕޯޓް ފުލުހުންނަށް ހުށައަޅާފައިވާކަމަށެވެ.
އަދި މިމައްސަލައިގައި ފައިސާ ހޯދުމުގެ މަސައްކަތުގެ ތެރެއިން ސީސީޓީވީ ފޫޓޭޖް ބަލައި، މަގުމަތިން ފައިސާ ނެގި މީހާ ދެނެގަނެވިފައިވާކަމަށްވެސް ފުލުހުން ބުންޏެވެ.
މީގެއިތުރުން ރޭގެ ވަގުތެއްގައި ގަލޮޅު ޕޮލިހުން ކުރިމަސައްކަތުން މިފައިސާތައް ހޯދިފައިވާ ކަމަށާއި ނަމަވެސް މިމައްސަލައާއި ގުޅިގެން މީހަކު ހައްޔަރުކޮށްފައިނުވާކަމަށް ފުލުހުން ބުނެފައިވެއެވެ.
ފުލުހުން ދަނީ މި މައްސަލަ އިތުރަށް ތަހުގީގުކުރަމުންނެވެ.
