އެޕަލްގެ އެއަރޕޮޑްސް ޕްރޯއާ އެކީ ބޭނުންކުރެވޭ ފުރަތަމަ އޯވަރ-ދަ-ކައުންޓަރ (އޯޓީސީ) ހިއަރިންގ އެއިޑް ސޮފްޓްވެއަރއަށް އެމެރިކާގެ ފުޑް އެންޑް ޑްރަގް އެޑްމިނިސްޓްރޭޝަން (އެފްޑީއޭ) އިން ހުއްދަދީފައެވެ.
މި ކުރިއެރުމުގެ ސަބަބުން، 18 އަހަރުން މަތީގެ، މެދުމިނުގެ އަޑުއިވުމުގެ މައްސަލަ ހުންނަ މީހުންނަށް އެމީހުންގެ އަމިއްލަ އެއަރޕޮޑްސް ޕްރޯ 2، ހިއަރިންގ އެއިޑެއްގެ ގޮތުގައި ގެންގުޅުމުގެ ފުރުސަތު ލިބިގެންދާނެއެވެ.
އެޕަލްއިން އިޢުލާނުކުރި ގޮތުގައި، އައު ސޮފްޓްވެއަރ އަޕްޑޭޓެއްގެ ޒަރީއާއިން އެއަރޕޮޑްސް ޕްރޯ 2 އަށް ވަގުތުން ވަކި އަޑުތަކެއް، މިސާލަކަށް ވާހަކަދެއްކުމުގެ އަޑު ނުވަތަ ވަށައިގެންވާ މާހައުލުައުލުގެ އަޑުތައް، އެންހާސްކޮއްދެވޭނެއެވެ. މި އަޕްޑޭޓް މި މަހު ތެރޭގައި 100 އަށްވުރެ ގިނަ ޤައުމުތަކުގައި ލިބިގެންދާނެކަމަށް އެޕްލްއިން ބުނެފައިވެއެވެ.
އެފްޑީއޭއިން ބުނާ ގޮތުގައި، މި ސޮފްޓްވެއަރގެ ސަބަބުން ހިއަރިންގ އެއިޑް ޓެކްނޮލޮޖީ އާންމުންނަށް ފަސޭހައިން ލިބޭނެއެވެ. އަދި މިހާރު ބޭނުންކުރާ މީހުންނަށް ޑޮކްޓަރެއްގެ ސިޓީއެއް ނުވަތަ ޕްރޮފެޝަނަލް ފިޓިންގއެއް ނެތި، ސީދާ އައިއޯއެސް ޑިވައިސްއަކުން މި ސޮފްޓްވެއަރ އިންސްޓޯލްކޮށް، ބޭނުންކުރެވޭނެއެވެ.
މިއީ އެފްޑީއޭއިން އޯޓީސީ ހިއަރިންގ އެއިޑްތަކަށް ހުއްދަ ދިނުމަށް 2022 ވަނަ އަހަރު ފެށި މަސައްކަތުގެ އިތުރު ކުރިއެރުމެކެވެ.
