ޅ. ނައިފަރު ހޮސްޕިޓަލުގެ ސާވާ ހެކް ކުރި މައްސަލަ ފުލުހުން ބަލަން ފަށައިފިއެވެ.
މިކަން ހާމަކުރައްވާ ފުލުހުން ވަނީ މީޑިއާތަކަށް ރޭ މެސެޖެއް ކުރައްވާފައެވެ.
އެ މެސެޖުގައި ފުލުހުން ބުނެފައިވަނީ، މި މައްސަލަ ފުލުހުންގެ އިދާރާއަށް ރިޕޯޓް ކޮށްފައިވަނީ މި މަހުގެ 12 ވަނަ ދުވަހު ކަމަށެވެ. އަދި މި މައްސަލައިގެ ތަހުގީގު ކުރިއަށް ގެންދިއުމަށްޓަކައި، ފުލުހުންގެ ހާއްސަ ޓީމެއް މީހާރުވަނީ މާލެއިން ނައިފަރަށް ފޮނުވާފައިވާކަމަށްވެސް ފުލުހުން ވަނީ ބުނެފައެވެ.
ނަމަވެސް ހެކް ކުރި ބައެއް އަދި ދެނެގަނެވިފައެއް ނުވެއެވެ.
