9 ވަނަ އިންޓަރ އޮފީސް ، ކޮމްޕެނީ އެންޑް ރިސޯޓް ޓޭބަލް ޓެނިސް ޓޯނަމަންޓް 2024 ގައި ބައިވެރި ވުމުގެ ފުރުސަތު، ޓޭބަލް ޓެނިސް އެސޯސިއޭޝަން އޮފް މޯލްޑިވްސް އިން ހުޅުވާލައިފިއެވެ.
މި މުބާރާތް ބޭއްވުމަށް ހަމަޖެހިފައިވަނީ، 4 ނޮވެމްބަރ 2024 އިން 10 ނޮވެމްބަރ 2024އަށެވެ.
މުބާރަތް ކުރިއަށް ގެންދިއުމަށް ރޭވިފައިވަނީ :
ފިރިހެން ޑިވިޝަން ޓީމް އިވެންޓްއަންހެން ޑިވިޝަން ޓީމް އިވެންޓްމިމުބާރާތުގެ ޓީމް އިވެންޓްގައި ބައިވެރިވެލައްވަން ބޭނުންފުޅުވާ އެންމެހައި އޮފީސް، ކުންފުނި އަދި ރިސޯޓް ތަކުން އެންމެހާ ކަންކަމުގައި މުޢާމަލާތް ކުރާނެ ފޯކަލް ޕޮއިންޓެއް ކަނޑައަޅުއްވާ އެފަރާތެއްގެ ނަން، މަޤާމް އަދި ގުޅޭނެ ނަމްބަރ އެނގޭނެގޮތަށް 10 އޮކްޓޯބަރ 2024 ވާ ބުރާސްފަތި ދުވަހުގެ 14:00 ގެ ކުރިން ލިޔުމުން ހުށައެޅުއްވުމަށް އެ އެސޯސިއޭޝަނުން ކޮށްފައިވާ އިޢުލާނުގައި އެދިލައްވާފައި ވެއެވެ.
އަދި، 22 އޮކްޓޯބަރ 2024 ވާ އަންގާރަ ދުވަހުގެ 12:00 ގެ ކުރިން މުބާރާތުގެ ޕްރޮސްޕެކްޓަސް އާއި އެއްކަރުދާސް ކުރެވިފައިވާ އެންޓްރީ ފޯރމް ފުރިހަމަ ކުރުމަށްފަހު އައިޑީކާޑު ކޮޕީ އާއިއެކު އެސޯސިއޭޝަން އަށް ހުށައެޅުމަށްވެސް ވަނީ އެދިލައްވާފައެވެ.
