ހުޅުމާލޭގެ ބައެއް ސަރަޙައްދުތަކުން މެންދުރުފަހު ކަރަންޓު ކެނޑުން އެކަށީގެންވާކަމަށް ސްޓެލްކޯއިން ބުނެފިއެވެ.
ސްޓްލެއްކޯއިން ބުނީ އެ ސަރަހައްދުން ކަރަންޓް މެދުކެނޑެނީ އެ ކުންފުނީގެ ކަރަންޓް ވިއުގަ އަޕްގްރޭޑް ކުރުމަށް ކޮންމެހެން ކުރަންޖެހޭ މަސައްކަތެއް ކުރަން ޖެހޭތީ ކަމަށެވެ.
އަދި މި މަސައްކަތް މިއަދު މެންދުރުފަހު 13:30 އިން 15:00އަށް، ކުރިއަށް ދާނެކަމަށް ސްޓެލްކޯއިން ބުންޏެވެ.
އަދި އެ ވަގުތުގައި ހުޅުމާލެ ފުރަތަމަ ފިޔަވަހި، އަސްރުމާ ހިނގުން، ޗަނބޭލީ މަގު ގޯޅި 3 (ފްލެޓް 138_133) ހިމެނޭ ސަރަހައްދުން ކަރަންޓުގެ ހިދުމަތް މެދުކެނޑުމަކީ އެކަށީގެންވާ ކަމެއްކަމަށް އެކުންފުނިން ބުނެފައިވެއެވެ.
މިއަދު ހެނދުނު މާލެގެ ބައެއް ސަރަހައްދުތަކުންވެސް ކަރަންޓް ވިއުގަ އަޕްގްރޭޑްކުރުމުގެ މަސައްކަތް ކުރަމުންދަތީ ކަރަންޓުގެ ހިދުމަތް މެދުކެނޑިފައިވެއެވެ.
ސްޓެލްކޯއިން ވަނީ މިކަމުގެ ސަބަބުން ދިމާވެދާނެ ދަތިތަކަށް ކަސްޓަމަރުންގެ ކިބައިން މައާފަށް އެދިފައެވެ.
