މ. މުލަކު މަގުތައް ޒަމާނީ ފެންވަރަށް ތަރައްގީކުރުމުގެ މަޝްރޫއު ތެރެއިން ކުރާ މަސައްކަތްތައް، ރޯޑް ޑެވެލޮޕްމަންޓް ކޯޕަރޭޝަން (އާރްޑީސީ) އިން ހަލުވިކަމާއެކު ދަނީ ކުރަމުންނެވެ.
މޮގޮތުން، މިވަގުތު ކުރިއަށްދަނީ ސޯސަން މަގުގައި އެކްސްކްވޭޝަން އަދި ބެކް ފިލިންގގެ މަސައްކަތާއި ހަވީރީ ހިނގުމުގައި ކާރބް ސްޓޯން ޖެހުމުގެ މަސައްކަތްކަމަށް އެކުންފުނިން ހާމަކުރިއެވެ.
މިމަހު ކުރީކޮޅު އާރްޑީސީގެ މެނޭޖްމެންޓުން ރައްޔިތުންގެ މަޖިލީހުގެ މުލަކު ދާއިރާގެ މެންބަރ އިބްރާހީމް ނައުފަލް އަދި މ. މުލަކު ރަށު ކައުންސިލުގެ މެންބަރުންނާއި ބައްދަލުކޮށް މަޝްރޫޢުތަކާއި ގުޅޭ އަދާހަމަ ހިއްސާކޮށް އެ މަޝްރޫއުއާ ބެހޭ ގޮތުން މަޝްވަރާވެސް ކުރައްވާފައިވެއެވެ.
މުލަކުގެ މަގުތައް ޒަމާނީ ފެންވަރަށް ތަރައްގީކުރުމުގެ މި މަޝްރޫއުއަކީ 2021 ވަނަ އަހަރު އާރްޑީސީއިން ހަވާާލުވި މަޝްރޫއުެކެވެ. މި މަޝްރޫއަށް 106،230،722 ރުފިޔާ ހަރަދުވާނެކަމަށް އާރްޑީސީއިން ވަނީ ހާމާކޮށްފައެވެ.
