ޑްރަގް އެންފޯސްމަންޓުން ތަހުގީގަށް ހާޒިރުވުމަށް އަންގައި ދެ މީހަކު ހޯދަން ފުލުހުން އިއުލާން ކޮށްފިއެވެ.
ފުލުހުން ބުނިގޮތުގައި މި ދެ މީހުން ހޯދަނީ އެ ހިދުމަތުގެ ޑްރަގް އެންފޯސްމަންޓުން ތަހުގީގު ކުރަމުންދާ މައްސަލައަކާ އަދި ޑްރަގް ކޯޓުގެ ޝަރީއަތަށް ހާޒިރުކުރުމަށް ބޭނުންވެ، އުޅޭ ވަކިތަނެއް ވަކިތަނެއް ނޭނގުމުގެ ސަބަބުން ހާޒިރުވުމަށް ޗިޓު ރައްދުކުރެވިފައި ނުވާތީ ކަމަށެވެ.
މި މައްސަލައިގައި ފުލުހުން ހޯދަނީ ކ. ގާފަރު / ހުދުވިލާ، ޝީޒާ އިސްމާއީލް (40އ) އާއީ ގދ. ވާދޫ / އަތަމާގެ، އިޙުސާން އިބްރާހީމް (25އ)އެވެ. މީގެ ތެރެއިން ޝީޒާ އިސްމާއީލް ހޯދަމުންދަނީ ޑްރަގް އެންފޯސްމަންޓުން ތަހުގީގު ކުރަމުންދާ މައްސަލައެއްގެ ތަހުގީގަށް ސުވާލުކުރުމަށް ކަމަށްވެސް ފުލުހުން ބުންޏެވެ. އަދި އިހުސާން އިބްރާހީމް ހޯދަމުންދަނީ ޑްރަގް ކޯޓުގެ ޝަރީއަތަށް ހާޒިރުކުރުމަށް ސުވާލުކުރުމަށް ކަމަށްވެސް ފުލުހުން ވަނީ ބުނެފައެވެ.
މީގެއިތުރުން މިމަހު 29 ވަނަ ދުވަހުގެ މެންދުރު 14:00 އަށް، ސާޖަންޓު އާދަމް ހަލީމް ކްރިމިނަލް އިންވެސްޓިޤޭޝަން ބިލްޑިންގ ހާޒިރުވުމަށްވެސް ފުލުހުންގެ އިއުލާނުގައި ބުނެފައިވެއެވެ.
