ކުރިއަށް ގެންގޮސްފި25 ސެޕްޓެމްބަރ ރ. ހުޅުދުއްފާރު ސްކޫލަށް އަލަށް ގުޅުނު ގްރޭޑް 11 ގެ ދަރިވަރުނަށް ސެޝަންތަކެއް ކުރިއަށް ގެންގޮސްފިއެވެ.
ހުޅުދުއްފާރު ޕޮލިސް ޕޯސްޓުން ސެޕްޓެންބަރު 23 ވަނަ ދުވަހު ކުރިއަށް ގެންދިޔަ މި ސެޝަންތަކުގައި ހޭލުންތެރިކުރުވުމަށް މައުލޫމާތުދިނުމާއެކު ދަރިވަރުންގެ މެދުގައި ގުޅުން ބަދަހިކުރުމަށް ޓީމް ބިލްޑިންގ އެކްސަސައިޒް ތަކެއް ކުރިއަށް ގެންގޮސްފައިވެއެވެ.
ފުލުހުން ބުނީ މައުލޫމާތުދިނުމަށް ކުރިއަށް ގެންދިޔަ ސެޝަންތަކުގައި، އިންޓަނެޓް މެދުވެރިކޮށް ހިންގާ ކުށްތަކުން ރައްކާތެރިކުރުވުމަށް މައުލޫމާތުދީފައިވެއެވެ. އަދި ކުޑަކުދިންގެ އަދުލުގެ ގާނޫނާއި އެއްގަމު ދަތުރުފަތުރުގެ ގާނޫނާ ގުޅޭގޮތުން މައުލޫމާތުދީފައިވާ ކަމަށެވެ.
މި ސެޝަންތަކަކީ ކުށުގެ ވެށިން ދަރިވަރުން ރައްކާތެރިކުރުމާއި ކޮންމެ ކުއްޖަކު ވެސް ފަރުދީ ޒިންމާ ނަގައި، އެކުދިން އުޅެމުންދާ ވެއްޓަކީ ކުށްމަދު އަމާން ވެއްޓަކަށް ހެދުމަށް މަސައްކަތްކުރުމަށް ބާރުއެޅުމަށް ކުރިއަށް ގެންދިޔަ ސެޝަންތަކެކެވެ.
