ޗައިނާއިން އިންޓަރ ކޮންޓިނެންޓަލް ބެލެސްޓިކް މިސައިލެއް ޓެސްޓްކޮށްފިއެވެ. ޗައިނާއިން ފޮނުވާލި ބެލެސްޓިކް މިސައިލަކީ ބެއިޖިންގއިން ބުނިގޮތުގައި ޓެސްޓް ކުރުމުގެ ގޮތުން ފޮނުވާލި މިސައިލެކެވެ. އަދި މިއީ އެއްވެސް ޤައުމަކާ ދެކޮޅަށް ބޭނުން ކުރި އެއްޗެއް ނޫނެވެ.
ޗައިނާގެ މިސައިލްގައި ހަރުކޮށްފައި ހުރީ ފޭކް ވޯހެޑެކެވެ.
މިއީ 44 އަހަރު ފަހުން ޗައިނާއިން ބެލެސްޓިކް މިސައިލެއް ޕެސިފިކް ސަރަހައްދަށް ފޮނުވި ފުރަތަމަ ފަހަރެވެ.
ޗައިނާގެ ޑިފެންސް މިނިސްޓްރީން ބުނީ، މި މިސައިލް ވެއްޓިފައި ވަނީ ޗައިނާއިން އަމާޒު ކުރި ސަރަހައްދަށެވެ. އެސަރަހައްދަކީ، ޓުއާލޫއާއި ސަމުއާއާއި ސޮލޮމަން އައިޑެންސްއާ ކައިރީގައި އޮންނަ ސަރަހައްދެކެވެ.
ޗައިނާއިން މިސައިލް ޓެސްޓް ކުރިތާ އެއް ދުވަސްފަހުން ޖަޕާނުގެ އަސްކަރީ މަނަވަރެއް ވަނީ ފުރަތަމަ ފަހަރަށް ޓައިވާން ވަށައިގެން ދަތުރުކުރުމަށް އިރުމަތީ ޗައިނާ ކަނޑަށް ވަދެފައެވެ. މިއީ ނުރައްކާތެރި ޢަމަކެލެވެ. ޗައިނާއިން އަބަދުވެސް ބުނަނީ، މިއީ އެމީހުންގެ ސިޔާދަތާއި އިސްތިޤްލާލު ހިނގާ ސަރަހައްދެއް ކަމަށެވެ. އަދި އެމެރިކާ މަނަވަރުތައް އެހިސާބަށް ވަނުމުން ފަހަތުން ޗައިނާގެ މަނަވަރުތައް އަޅުވާލާ ކަމަށްވެސް ވެއެވެ.
ޖަޕާނުން މަނަވަރު ފޮނުވާލީ އެމެރިކާގައި ކުއާޑްގެ ސަމިޓަށްފަހު ބޮޑު ވަޒީރު ކިޝީޑާ ޓޯކިޔޯއަށް ވަޑައިގަތްތާ އެއްދުވަސްފަހުންނެވެ.
