ހއ. އިހަވަންދޫ އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ ފަރާތުން އިހަވަންދޫގައި ބޭސިކް އެންޑް އެޑްވާންސް ސެޓްފިކެޓުގެ ފަހާ ކޯހެއް ފެށުމަށް ތައްޔާރުވަމުންދާ ކަމަށް އިހަވަންދޫ ކައުންސިލްގެ އިދާރާއިން ބުނެފިއެވެ.
މި ކޯސް ފެށުމަށް ހަމަޖެހިފައިވަނީ މިއަހަރުގެ އޮކްޓޯބަރު މަހުގެ 10 ވަނަ ދުވަހުުވަހުގައެވެ.
އެ ކައުންސިލުން އިތުރަށް ބުނީ މި ކޯހުގައި ބައިވެރިވުމުގެ ފުރުޞަތު މިހާރު ވަނީ ހުހުޅުވާލާފައި ކަމަށާއި، ކޯހުގައި ބައިވެރިވުމަށް އެދޭ ފަރާތްތަކުން އޮކްޓޯބަރު 5 ވަނަ ދުވަހުގެ ނިޔަލަށް ފޯމު ހުށަހެޅުމަށް ވަނީ އަންގާފައިވާ ކަމަށެވެ.ކޯހުގެ ފީއަކީ 2000 ރުފިޔާއެވެ.
ނަމަވެސް، ކޯހުގައި ބައިވެރިވާ ފަރާތްތަކުގެ އަދަދު 30 އަށް ވުރެ އިތުރުވާނަމަ، ކޮންމެ ބައިވެރިއެއްގެ އަތުން ނެގުމަށް ހަމަޖެހިފައިވަނީ 1800 ރުފިޔާ ކަމަށްވެސް އެ ކައުންސިލުން ބުނެފައިވެއެވެ. އަދި ކޯހުގައި ބައިވެރިވާ 30 ބައިވެރިންނަށް ކޮންމެ ބައިވެރިއަކަށް އަންހެނުން ތަރައްޤީއަށް މަސައްކަތްކުރާ ކޮމެޓީގެ ފަރާތުން 800 ރުފިޔާގެ އެހީއެއް ދިނުމަށް ވެސް ވަނީ ހަމަޖެހިފައެވެ.
ހަމައެއާއެކުމި ކޯހުގައި ފަހާފޮށި އޮޕަރޭޓް ކުރާނެގޮތާއި، ފޮށި ރޫޅާ ފޮއްޓަށް ތެޔޮ ޖަހާނެގޮތާއި، ދަބަސް ފަހާ ޑިޒައިން ކުރުމާއި، ތަފާތު ޑިޒައިންތަކަށް ކަނޑަން ދަސްކޮށްދިނުމާއި، ހެދުމުން މިން ނަގާނެ ގޮތާއި، ޒިބް ލާން ދަސްކޮށްދިނުމާއި، އަދި ގޮށްވަޅު ހަދަން ދަސްކޮށްދެވޭނެ ކަމަށް ވެސް ކައުންސިލުން މަޢުލޫމާތު ދީފައިވެއެވެ.
މި ކޯހަކީ އިހަވަންދޫގެ އަންހެނުންނަށް ފަހާ މަސައްކަތުގެ ހުނަރު ދަސްކޮށްދީ، އާމްދަނީ ހޯދުމަށް އިތުރު ފުރުޞަތުތަކެއް ހޯދައިދިނުމަށް ބާއްވާ ކޯހެއް ކަމަށް ބެލެވެއެވެ.
