މި ހިނގާ 2024 ވަނަ އަހަރު އިންޑިއާގައި އަންހެނުންނަށް އެންމެ ރަނގަޅު މަސައްކަތު މާހައުލެއް އޮތް އެންމެ ރަނގަޅު 100 ހޮސްޕިޓަލް ތެރޭގައި އެންޔޫ ހޮސްޕިޓަލްސް ވެއްޖެއެވެ.
'ގްރޭޓް ޕްލޭސް ޓު ވަރކް' އިން ނެރުނު ލިސްޓުގައި މި ކާމިޔާބީ ޚާއްޞަކޮށް ފާހަގަކޮށްލެވެނީ އެންޔޫ ހޮސްޕިޓަލްސް ޓޮޕް 50 ގެ ތެރޭގައި ހިމެނިފައިވާތީއެވެ. މި ޝަރަފުން އެންޔޫ ހޮސްޕިޓަލްސްއިން އިންކްލޫސިވް އަދި އެހީތެރި މަސައްކަތު މާހައުލަކަށް ދޭ އަހަންމިއްޔަތުކަން ދޭހަވެއެވެ. އެންޔޫ ހޮސްޕިޓަލްސް ވަނީ 2023 ވަނަ އަހަރުގަވެސް އަންހެނުންނަށް އެންމެ ރަނގަޅު 100 މަސައްކަތުގެ މާޙައުލުގެ ލިސްޓުގައި ހިމެނިފައިއެވެ.
މި ސެޓިފިކޭޝަން ބިނާވެފައިވަނީ ހަރުދަނާ އިވެލުއޭޝަން ޕްރޮސެސްއެއްގެ މައްޗަށެވެ. އެގޮތުން މުއައްސަސާތައް ވަޒަންކުރެވެނީ އެތަނެއްގެ ލީޑަރޝިޕް، މަސައްކަތުގެ ސަގާފަތް، އަދި މުވައްޒަފުންގެ ޖުމްލަ ދުޅަހެޔޮކަމުގެ މައްޗަށެވެ. އެން.ޔޫ ހޮސްޕިޓަލްސްއިން މި ކާމިޔާބީ ނިސްބަތްކުރަނީ އިންކްލޫސިވިޓީއަށް އިސްކަންދޭ އަދި ހުރިހާ އަންހެނުންނަށްވެސް ކުރިއަރައި، ކާމިޔާބު ވެވޭނެ މާޙައުލެއް އުފައްދާ ކުރިއަށް ވިސްނާ ލީޑަރޝިޕަކަށެވެ.
"ގްރޭޓް ޕްލޭސް ޓު ވަރކް" އަކީ މަސައްކަތުގެ މާޙައުލުގެ ސަގާފަތް ވަޒަންކޮށް، އިތުބާރު ބޮޑު މާޙައުލެއް އުފެއްދުމަށް ޖަމާޢަތްތަކަށް އެހީތެރިވެދޭ ބައިނަލްއަޤްވާމީ ކުންފުންޏެކެވެ. މި ކުންފުނި 60 އަށްވުރެ ގިނަ ޤައުމުތަކުގައި ހަރަކާތްތެރިވެ، މުވައްޒަފުންގެ ޚިޔާލާއި ކުންފުނީގެ އާދަކާދައަށް ބިނާކޮށް "އެންމެ ރަނގަޅު މަސައްކަތުގެ މާޙައުލުލު" ގެ ލިސްޓުތައް ޝާއިޢުކުރެއެވެ. މި ކުންފުނިން ސެޓިފައިކުރުމަކީ، އެކުވެރި އަދި ހިތްގައިމު މަސައްކަތުގެ މާޙައުލެއް އުފެއްދުމަށް ކުންފުންޏަކުން ކުރާ މަސައްކަތް ފާހަގަކޮށް ދެވޭ ޝަރަފުވެރި ބަލައިގަތުމެކެވެ.
އިންޑިޔާގެ ބެންގަލޫރުގައި ހުންނަ އެން.ޔޫ ހޮސްޕިޓަލްސްއަކީ ކިޑްނީ އަދި ޔޫރިނަރީ ސިސްޓަމްގެ ބަލިތަކަށް ޚާއްޞަވެފައިވާ ފާހަގަކޮށްލެވޭ ޞިއްޙީ މަރުކަޒެކެވެ. ދިވެހިރާއްޖޭގައިވެސް އެން.ޔޫ ހޮސްޕިޓަލްސްއިން ވަނީ 2016 ވަނަ އަހަރުގެ ނޮވެމްބަރު މަހުގައި އެ ހޮސްޕިޓަލުގެ ގޮތްޕެއް ހުޅުވާފައެވެ.
