ރާއްޖެ އިސްލާމްވި ދުވަހުގެ މުނާސަބަތުގައި ބާއްވަވާ ރަސްމީ ޖަލްސާ، އަންނަ ހޮނިހިރު ދުވަހު ހެނދުނު އޮންނާނެއެވެ.
ރައީސް އޮފީހުން ވިދާޅުވީ މި ޖަލްސާ އޮންނާނީ، އެ ދުވަހު ހެނދުނު 9 ޖަހާއިރު ދަރުބާރުގޭގައި ކަމަށެވެ.
އަދި މި ޖަލްސާގައި، ރައީސުލްޖުމްހޫރިއްޔާ ޑޮކްޓަރ މުހައްމަދު މުއިއްޒު ވާހަކަފުޅު ދައްކަވާނެކަމަށާއި މި ޖަލްސާގައި އޮންނާނެ އެންމެ ހާއްސަ އެއްކަމަކީ، ހާފިޒު ކަމުގެ ސަނަދު ހާސިލުކުރި ހާފިޒުންނަށް ރައީސުލްޖުމްހޫރިއްޔާ ދެއްވާ މެޑެއްޔާއި، އިނާމާއި، ހަނދާނީ ލިޔުން ދެއްވުން ކަމަށްވެސް އެ އޮފީހުން ވިދާޅުވެފައިވެއެވެ.
މި ޖަލްސާގައި 28 ހާފިޒަކަށް ރައީސުލްޖުމްހޫރިއްޔާ އިނާމު ދެއްވާނެއެވެ.
ރާއްޖެ އިސްލާމްވި ދުވަހުގެ ގޮތުގައި ފާހަގަކުރަނީ ރަބީއުލްއާހިރު މަހުގެ 2 ވަނަ ދުވަހެވެ.
