މަރުހޫމް ޢަބްދުލްމަޖީދު މާހިރަކީ ދިވެހިރާއްޖޭގެ އިސް ރަށްވެހީންގެ ތެރެއިން ނުހަނު ގަދަރުވެރި، ހިދުމަތްތެރި، ތަޖުރިބާކާރު ހަރުދަނާ ޝަހުސިއްޔަތެއް ކަމުގައިވާ ރައީސުލްޖުމްހޫރިޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
ރައީސް މިހެން ވިދާޅުވީ އަބްދުލްމަޖީދު މާހިރު އަވަހާރަވުމާއި ގުޅިގެން އެބޭފުޅާގެ އާއިލާއަށް ތައުޒިޔާ ވިދާޅުވެ އެކްސްގައި ހިއްސާކުރެއްވި ޕޯސްޓެއްގައެވެ.
އެ ޕޯސްޓްގައި ރައީސް އިތުރަށް ވިދާޅުވެފައިވަނީ މާހިރު އަވަހާރަވި ހަބަރު އެއްސެވީ ފުން ހިތާމައާއެކުކަމަށެވެ. މީގެއިތުރުން އެމަނިކުފާނުވަނީ މަރުހޫމް މާހިރަކީ، މާލޭ މުނިސިޕަލް ކައުންސިލްގެ ރައީސްކަމުގެ އިތުރަށް، ސަރުކާރުގެ އެކި އިދާރާތަކުގައި އިސް މަގާމުތަކެއް ފުރުއްވާފައިވާ ބޭފުޅެެއް ކަމަށާއި ދިވެހި ބޭސްވެރިހަކީމެއް ކަންވެސް ފާހަގަކުރައްވާފައެވެ.
އަދި ދިވެހި ތާރީހާއި އާދަކާދައިގެ އެތައް މައުލޫމާތެއް މިއަދުގެ ޖީލަށް އޮޅުންފިލުއްވައިދެއްވި އުސްތާޒެއް ކަމަށާއި ގައުމަށް ހުދުމަތްތެރި އިލްމީ ގާބިލް ދަރީންތަކެއް ތަރުބިއްޔަތުކުރެއްވި އަގުހުރި ބައްޕައެއް ކަންވެސް ރައީސް. ޑރ މުއިއްޒު ފާހަގަކުރެއްވިއެވެ.
ހަމައެއާއެކު މަރުހޫމްގެ އާއިލާއަށް ކެތްތެރިކަން މިންވަރުކުރައްވާ، ސުވަރުގޭގެ މަތިވެރި ނިއުމަތް ލެއްވުން އެދި އެމަނިކުފާނު ވަނީ ދުއާ ދަންނަވާފައެވެ.
