1446 ވަނަ އަހަރުގެ ދިވެހިރާއްޖެ އިސްލާމްވީ ދުވަހުގެ މުނާސަބަތާ ގުޅިގެން "އިސްލާމީ ރަމްޒުތަކުގެ ފޮޓޯ މުބާރާތް 1446" މިނަމުގައި ފޮޓޯ މުބާރާތެއް ބޭއްވުމަށް ނިންމައިފިއެވެ.
ސަގާފީ ތަރިކަ ރައްކާތެރިކުރާ ގައުމީ މަރުކަޒުން ބާއްވާ މި މުބާރާތަކީ މުޅި ރާއްޖެއަށް ހުޅުވާލައިގެން 12 އަހަރުން މަތީގެ ދިވެހި ރައްޔިތުންނަށް ބާއްވާ މުބާރާތެކެވެ. މި މުބާރާތުގައި ބައިވެރިވާން ބޭނުންވާ ފަރާތްތަކަށް ފޮޓޯ ހުށަހެޅުމުގެ މުއްދަތު ކަނޑައަޅާފައިވަނީ މި މަހު 05 އިން ފެށިގެން 10 ވަނަ ދުވަހުގެ 16:00 އާ ހަމައަށެވެ.
މި މުބާރާތުގެ މަޤްޞަދަކީ ދިވެހިރާއްޖޭގެ އިސްލާމީ ތަރިކައާއި ރަމްޒުތައް ފޮޓޯގެ ޒަރީއާއިން ފާހަގަކޮށް، އެ ތަރިކަ ދެމެހެއްޓުމަށް ހިތްވަރު ދިނުމެވެ.
މުބާރާތުގެ އިތުރު މަޢުލޫމާތު ސަގާފީ ތަރިކަ ރައްކާތެރިކުރާ ޤައުމީ މަރުކަޒުގެ ވެބްސައިޓުންނާއި ސޯޝަލް މީޑިއާ ޕްލެޓްފޯމްތަކުން ލިބެން ހުންނާނެ ކަމަށް އެ މަރުކަޒުން މަޢުލޫމާތު ދީފައިވެއެވެ.
ދިވެހިރާއްޖެ އިސްލާމްވީ މީލާދީން 1153 ވަނަ އަހަރުގައެވެ. ރާއްޖެއަށް އިސްލާމްދީނުގެ ދަޢުވަތު ދެއްވީ އަބުލް ބަރަކާތުލް ޔޫސުފްއަލް ބަރްބަރީ އެވެ.
