މޯލްޑީވްސް ނެޝަނަލް ޑިފެންސް ފޯސް (އެމްއެންޑީއެފް) ފަޔަރ އެންޑް ރެސްކިޔު ސަރވިސްއިން ކުރިއަށް ގެންދިޔަ ފަޔަރ އެވެއަރނަސް ސެޝަނެއްގައި ރޯޑް ޑިވެލޮޕްމެންޓް ކޯޕަރޭޝަން (އާރްޑީސީ)، ތިލަފުށި މުވައްޒަފުން ބައިވެރިވެއްޖެއެވެ.
އެމްއެންޑީއެފްއިން ވިދާޅުވި ގޮތުގައި، މި ސެޝަންގައި ކިޔަވައިދީފައިވާ ބައިތަކުގެ ތެރޭގައި އަލިފާން ރޯވާން މެދުވެރިވާ ސަބަބުތަކާއި، އަލިފާން ފެތުރޭ ގޮތްތަކާއި، އަލިފާން ނިއްވާނެ ގޮތުގެ އަސާސީ މަޢުލޫމާތާއި، އަލިފާންނިވިއާއި ފަޔަރ ބްލޭންކެޓް ބޭނުން ކުރާނެގޮތުގެ މުހިންމު މަޢުލޫމާތުތައް ހިމެނެއެވެ. އަދި އަލިފާންނިވި ބޭނުންކޮށްގެން އަލިފާން ނިއްވާނެ ގޮތްތައް ވަނީ ފަރިތަކޮށްފައެވެ.
ތިލަފުށީގައި ހުންނަ އާރުޑީސީ ސައިޓުގައި އިއްޔެ ކުރިއަށްގެންދިޔަ މި ސެޝަންގައި އާރުޑީސީގެ 11 ދިވެއްސަކާއި 55 ބިދޭސީންނާއެކު ޖުމުލަ 66 މުވައްޒަފަކު ބައިވެރިވެފައިވެއެވެ.
