ދިވެހިންގެ ދިރިއުޅުމުގެ އަސާސުތައް ބިނާވެގެންވެނީ މާތްވެގެންވާ އިސްލާމްދީނުންކަމަށް ދިވެހިބަހާއި، ސަގާފަތާއި އަދި ތަރިކައިގެ ވަޒީރު އާދަމް ނަޞީރު އިބްރާހީމް ވިދާޅުވެއްޖެއެވެ.
އެމަނިކުފާނު މިވާހަކަ ދެއްކެވީ ދިވެހިރާއްޖެ އިސްލާމްވި ދުވަސް ފާހަގަކުަގަކުރުމަށް ބޭއްވުނު ރަސްމީ ޖަލްސާއެއްގައެވެ.
މި ޖަލްސާގައި ވާހަކަފުޅު ދައްކަވަމުން ވަޒީރު އާދަމް ނަޞީރު ފާހަގަކުރެއްވި ގޮތުގައި ދިވެހި ތާރީޚުގައި އެންމެ މުހިންމު ބަދަލަކީ ދިވެހިރާއްޖެ އިސްލާމްވުމެވެ. އެމަނިކުފާނު ވިދާޅުވި ގޮތުގައި މި މުހިންމު ދުވަހަކީ ދިވެހި ރައްޔިތުންގެ ދިރިއުޅުމަށް ހެޔޮ ބަދަލުތަކެއް ގެނެސްދިން ދުވަހެކެވެ. އަދި މިއީ ޤައުމަށް ލިބުނު ބޮޑު ނިޢުމަތަކާއި ހެޔޮ ނަސީބެއް ކަމުގައިވެސް އެމަނިކުފާނު ސިފަކުރެއްވިއެވެ.
މީގެ އިތުރުން، ވަޒީރު އާދަމް ނަޞީރު ވިދާޅުވީ އިސްލާމްދީނަކީ ދިވެހި ރައްޔިތުންގެ ދިރިއުޅުމުގައި އެންމެ އިސް ކުރި ބޯއްޓަކީ އިސްލާމް ދީން ކަމަށެވެ. އެމަނިކުފާނު ފާހަގަކުރެއްވި ގޮތުގައި ދިވެހިން ވާހަކަދައްކާ ދިވެހިބަހުގައި ދީނާ ގުޅިފައިވާ ގިނަ ބަސްތަކެއް ހިމެނެއެވެ. އަދި ދިވެހި ކާބަފައިންގެ އާދަކާދަތަކާއި އިސްލާމްދީނާ ހުރި ގުޅުމާ ބެހޭ ގޮތުންވެސް އެމަނުކުފާނު މަޢުލޫމާތު ހިއްސާކުރެއްވިއެވެ.
ދިވެހި ރައްޔިތުންގެ ދިރިއުޅުމުގައި އެންމެ މަތިވެރި ޙަޤީޤަތްތަކާއި، ޢަމަލުތަކާއި އަދި އަސާސީ އަގުތައް ވެސް އަށަގެންފައިވަނީ އިސްލާމްދީނުގައި ކަމަށް ވަޒީރު ބާރުއަޅުއްވައި ވިދާޅުވިއެވެ.
ދިވެހިރާއްޖެ އިސްލާމްވިތާ 800 އަހަރު ވެއްޖެއެވެ. ރަބީޢުލްއާޚިރު މަހުގެ 2 ވަނަ ދުވަހަކީ މި މުހިންމު ދުވަހުގެ އަހަރީ ދުވަހެވެ. އަދި މި ދުވަސް ކޮންމެ އަހަރަކުވެސް ފާހަގަކުރެވެއެވެ. މި ދުވަސް ރަސްމީކޮށް ފާހަގަކުރަން ފެށީ ހިޖުރީ ކަލަންޑަރުން 1374 ގައެވެ.
