އެމެރިކާގެ ނައިބު ރައީސް ކަމަލާ ހެރިސް، އެމެރިކާގެ އަރަބި އަދި މުސްލިމް ލީޑަރުންނާ ބައްދަލުކުރައްވައިފިއެވެ.
މި ބައްދަލުވުމުގައި ޣައްޒާ އަދި ލުބުނާނުގައި ހިނގަމުންދާ ހަނގުރާމަތަކަށް އިސްރާއީލަށް އެމެރިކާއިން ދޭ އެހީއާ ގުޅުޅޭގޮތުންް އެމެރިކާގެ އަރަބި އަދި މުސްލިމް ލީޑަރުންކަންބޮޑުވުންތައް ފާޅުކުރެވުނެވެ.
މި ބައްދަލުވުމަކީ 2020 ވަނަ އަހަރު އެމެރިކާގެ ރައީސް ޖޯ ބައިޑެންއަށް ވޯޓުދިން އަރަބި އެމެރިކާ ވޯޓަރުންގެ އެއްބާރުލުން އަލުން ހޯދުމަށް ހެރިސްގެ ކެމްޕޭނުން ކުރާ މަސައްކަތުގެ ބައެކެވެ. މިޝިގަން ފަދަ މުހިންމު ސްޓޭޓެއްގައި މި ވޯޓަރުންގެ އެއްބާރުލުން ގެއްލުމަކީ ހެރިސްގެ ފުރުސަތުތަކަށް ނޭދެވޭ އަސަރުކުރާނެ ކަމެކެވެ.
30 މިނެޓުގެ މި ބައްދަލުވުމުގައި ހެރިސް ވަނީ ޣައްޒާގައި ދިމާވެފައިވާ އިންސާނީ ހާލަތާއި ލުބުނާނުގައި މީހުން ގެދޮރު ދޫކޮށް ދާންޖެހިފައިވާ ހާލަތު ފާހަގަކުރައްވާފައެވެ. އަދި މި ހަނގުރާމަ ނިންމުމަށް ކުރެވޭ މަސައްކަތްތަކާ ބެހޭގޮތުން މަޝްވަރާކުރެވުނުކަމަށް ކެމްޕޭން އޮފިޝަލެއް ބުނެފައިވެއެވެ.
ބައްދަލުވުމުގައި ބައިވެރިވި އެމްގޭޖް އެކްޝަންގެ ވާއިލް އަލްޒައާތު ފަދަ ފަރާތްތަކުން މި ހާލަތާ ގުޅޭގޮތުން ސަރުކާރުން ޢަމަލުކުރާގޮތާމެދު ހިތްހަމަނުޖެހުން ފާޅުކޮށް، ވަގުތުން ހަނގުރާމަ ހުއްޓުވުމަށް ބާރުއެޅުމަށް ހެރިސްއަށް ގޮވާލިއެވެ.
އިންތިޚާބު ކައިރިވަމުން އަންނައިރު، ހެރިސްއަށް ވަނީ ރިޕަބްލިކަން ކެންޑިޑޭޓް ޑޮނަލްޑް ޓްރަމްޕާ ވާދަކުރަން ޖެހިފައެވެ. އެންމެ ފަހުގެ ހޯދުންތަކުން ދައްކާގޮތުގައި މިޝިގަންގެ އެކި މުޖުތަމަޢުތަކުގެ މެދުގައި ދެ ކެންޑިޑޭޓުންގެ ވާދަވެރިކަން ވަރަށް ބޮޑެވެ.
