ރައްޔިތުންގެ މަޖިލީހުގެ މި އަހަރުގެ ފަހު ދައުރުގެ ޖަލްސާތައް ފެށުން ލަސްކޮށްފިއެވެ.
20 ވަނަ މަޖީލީހުގެ މި އަހަރުގެ ފަހު ދައުރުގެ ފަހު ޖަލްސާތައް މާދަމާ ފަށާނެ ކަމަށް ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ މީގެ ކުރިން އިއުލާނު ކުރައްވާފައިވެއެވެ.
ނަމަވެސް އެ މަޖިލީހުގެ މެންބަރުންނަށް އެ އިދާރާއިން ފޮނުވި މެސެޖުގައި ބުނެފައިވަނީ މަޖިލިސް ފެށުން ފަސްކޮށްފައިވަނީ މި މަހުގެ 14 ވަނަ ދުވަހަށް ކަމަށެވެ.
މީގެއިތުރުން އިދާރާއިން ބުނެފައިވަނީ އެ ބަދަލު ގެނައީ ބްރޯޑްކާސްޓް ކުރުމަށް އާ ވީޑިއޯ ރޫމެއް ގާއިމުކުރުމުގެ މަސައްކަތް ކުރިއަށްދާތީ މަޖިލީހުގެ ޖަލްސާތައް ބްރޯޑްކާސްޓް ކުރުމުގައި ދަތިތަކެއް ހުރުމުން ކަމަށެވެ.
ވިހި ވަަނަ މަޖިލީހުގެ ފުރަތަމަ ދައުރުގައި 23 ބިލެއް ހުށަހަޅައި، އަދި އޭގެތެރެއިން 11 ބިލެއްގެ މަސައްކަތް ވަނީ ނިންމާފައެވެ.
