މާލޭގެ ބައެއް ސަރަހައްދުތަކުން މިއަދު މެންދުރުފަހު ކަރަންޓުގެ ހިދުމަތް މެދުކެނޑުން އެކަށީގެންވާކަމަށް ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން ބުނެފިއެވެ.
ސްޓެލްކޯއިން ބުނީ ކަރަންޓް ހިދުމަތް މެދުކެނޑެނީ ސްޓެލްކޯގެ ކަރަންޓުގެ ވިއުގަ އަޕްގްރޭޑް ކުރުމަށް ކޮންމެހެން ކުރަންޖެހޭ މަސައްކަތްތަކެއް ކުރަންޖެހޭތީ ކަމަށެވެ.
އެގޮތުން، މިއަދު (4 އޮކްޓޫބަރ 2024) މެންދުރުފަހު ހެނދުނު 14:00 އާއި 16:00 އާ ދެމެދު ފިލިގަސް ހިނގުން، މަޖީދީ މަގު، ބޮޑުފުންގަނޑު މަގު އަދި ބުރެވި މަގު ހިމެނޭ ސަރަހައްދުތަކުން ކަރަންޓުގެ ހިދުމަތް މެދުކެނޑުން އެކަށީގެންވާ ކަމައް ސްޓެލްކޯއިން ބުންޏެވެ.
މީގެ އިތުރުން 14:30 އާއި 16:00 އާ ދެމެދު މާލެ ސިޓީ، ހީނާ ގޯޅި، ރަތްވިލާ ހިނގުން، ހިތިގަސް މަގު، މޫންލައިޓް ހިނގުން، ބޮޑުތަކުރުފާނު މަގު އަދި ލޮނުޒިޔާރަތް މަގު ހިމެނޭ ސަރަޙައްދުންވެސް ކަރަންޓުގެ ހިދުމަތް މެދުކެނޑުން އެކަށީގެންވާ ކަމައް ސްޓެލްކޯއިން ބުނެފައިވެއެވެ.
އަދި މި މަސައްކަތްތަކުގެ ސަބަބުން ކަރަންޓުގެ ހިދުމަތް މެދުކެނޑިގެން ދިމާވާނެ ދަތިތަކަށް ސްޓެލްކޯއިން ވަނީ މާފަށް އެދިފައެވެ.
