އިންޑިއާގެ ސަލާމަތާއި ރައްކާތެރިކަމަށް ނުރައްކާވެދާނެ ފަދަ ކަމެއް ދިވެހިރާއްޖެއިން ނުކުރާނެކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
ރައީސް މިހެން ވިދާޅުވީ އިންޑިއާގެ ރައީސާ ދުރުފަދީ މުރުމުގެ ދަޢުވަތަކަށް އިންޑިއާއަށް ކުރައްވަމުން ގެންދަވާ ދަތުރުފުޅުގައިއެވެ. ރައީސް ވަނީ ރާއްޖެއާއި އިންޑިޔާއާ ދެޤައުމުގެ ދެމެދުގައި އޮތް ގާތް ގުޅުމާއި ރަހުމަތްތެރިކަމުގެ މައްޗަށް އަލިއަޅުއްވާލެއްވިއެވެ.ދިވެހިރާއްޖެއާއި ޗައިނާއާ ދެމެދު އޮތް ގުޅުމާ ބެހޭގޮތުން ފާޅުކުރެވޭ ކަންބޮޑުވުންތަކާ ގުޅޭގޮތުން ވާހަކަފުޅު ދައްކަވަމުން، ރައީސް މުޢިއްޒު ވިދާޅުވީ އެމަނިކުފާނުގެ ސަރުކާރުގެ މައިގަނޑު އަމާޒަކީ ސަރަޙައްދީ ސުލްހަޔާއި ސަލާމަތާއި ރައްކާތެރިކަން ދެމެހެއްޓުން ކަމަށެވެ. އެމަނިކުފާނު ޔަގީންކަން ދެއްވީ އެހެން ޤައުމުތަކާއެކު އެކި ދާއިރާތަކުން މަސައްކަތްކުރާއިރު، ސަރަޙައްދުގެ ސަލާމަތަށް ނުރައްކާވާފަދަ ގޮތަކަށް ދިވެހިރާއްޖެއިން ޢަމަލުނުކުރާނެ ކަމަށެވެ.
އެމަނިކުފާނު ވަނީ "މޯލްޑީވްސް ފަސްޓް" ސިޔާސަތަށް ތަބާވުމަށް އޮތް އެމަނިކުފާނުގެ އަޒުމު އަލުން ހާމަކުރައްވާފައެވެ. އަދި އިންޑިއާއާއެކު އޮތް ގުޅުމުގެ މުހިންމުކަން ފާހަގަކުރައްވާ، އެހެން ޤައުމުތަކާއެކު ބާއްވާ ގުޅުންތަކުން އިންޑިއާގެ ސަލާމަތަށް އުނިކަމެއް ނާންނާނެކަމުގެ ޔަގީންކަން ފާޅުކުރެއްވިއެވެ.
ރައީސް މުޢިއްޒު ފާހަގަކުރެއްވި ގޮތުގައި ދެ ޤައުމުން ވެސް ވަނީ އެއް ޤައުމުން އަނެއް ޤައުމަށް ހިއްސާކުރާ ކަންބޮޑުވުންތަކާއި އިސްކަންދޭ ކަންކަމުން ފިލާވަޅުތަކެއް ލިބިގަނެފައެވެ. އަދި މި ދަތުރުފުޅުން ދެ ޤައުމުގެ ދެމެދުގައި އޮތް ގުޅުން އިތުރަށް ހަރުދަނާވެގެންދާނެ ކަމުގެ ޔަޤީންކަން އޮތްކަމަށް ރައީސް ވިދާޅުވިއެވެ.
