2024 ވަނަ އަހަރުގެ ދުނިޔޭގެ ކާބޯތަކެތީގެ ދުވަސް ފާހަގަކުރުމުގެ ގޮތުން ހޯދެއްދޫގައި ބާއްވަން ހަމަޖެހިފައިވާ ކާބޯތަކެތީގެ މައުރަޒުގައި ބައިވެރިވުމުގެ ފުރުސަތު ހުޅުވާލައިފިއެވެ.
މި މައުރަޒު އިންތިޒާމުކުރަނީ ހޯޑެއްދޫ ކައުންސިލާއި ހޯޑެއްދޫ އަންހެނުންގެ ތަރައްޤީއަށް މަސައްކަތްކުރާ ކޮމެޓީ ގުޅިގެންނެވެ. މި މައުރަޒު ބޭއްވުމަށް ހަމަޖެހިފައިވަނީ 26 އޮކްޓޯބަރ 2024 ގައެވެ. ހޯޑެއްދޫގައި ދިރިއުޅޭ އެންމެހާ ފަރާތްތަކަށް މި މައުރަޒުގައި ބައިވެރިވުމުގެ ފުރުޞަތު ހުޅުވާލެވިފައިވާކަމަށް ކައުންސިލުން ބުނެފައިވެއެވެ.
މައުރަޒުގައި ބައިވެރިވާން ބޭނުންވާ ފަރާތްތަކުން "ކާބޯތަކެތީގެ މައުރަޒު 2024 ގައި ބައިވެރިވުމަށް އެދި ހުށަހަޅާ ފޯމް" ފުރިހަމަކުރުމަށްފަހު، 16 އޮކްޓޯބަރ 2024 ވާ ބުދަ ދުވަހުގެ 14:00 ގެ ކުރިން ހޯޑެއްދޫ ކައުންސިލް އިދާރާއަށް ހުށަހެޅުމަށް އެދިފައިވެއެވެ. މި ފޯމު ކައުންސިލް އިދާރާގެ ކައުންޓަރުން ލިބެން ހުންނާނެ ކަމަށް ވެސް ކައުންސިލުން މަޢުލޫމާތު ދީފައިވެއެވެ.
ކައުންސިލުން އިތުރަށް ބުނެފައިވަނީ މުބާރާތުގެ އުސޫލު ވެސް މިހާރު ޢާންމުކޮށްފައިވާ ކަމަށެވެ. މި މައުރަޒަކީ ރަށުގެ ކާބޯތަކެތީގެ މުއްސަނދިކަން ދައްކުވައިދިނުމަށާއި، ރަށުގެ އެކި ފަރާތްތަކުގެ ހުނަރުވެރިކަން ހާމަކުރުމަށް ލިބޭ ރަނގަޅު ފުރުޞަތެއް ކަމަށް ކައުންސިލުން ފާހަގަކޮށްފައިވެއެވެ.
