ރޯޑް ޑިވެލޮޕްމެންޓް ކޯޕަރޭޝަން (އާރުޑީސީ) އިން ރާއްޖޭގެ ދެކުނުގެ ރަށްތަކުގައި ޒަމާނީ ފެންވަރަށް މަގުތައް ތަރައްޤީކުރުމުގެ މަސައްކަތް ކުރިއަށް ގެންދާ ކަމަށް އެ ކުންފުނިން މިއަދު ހާމަކޮށްފިއެވެ. މި މަޝްރޫޢުގެ ދަށުން ތ. ތިމަރަފުށި، ލ. ގަން އަދި ގއ. ވިލިނގިލީގައި މަގު ހެދުމުގެ މަސައްކަތް ކުރިއަށްދާ ކަމަށް އާރުޑީސީން ބުނެފައިވެއެވެ.
ތ. ތިމަރަފުށީގައި ބީޗް މަގުގައި ޕޭވިންގް މަސައްކަތާއި ދުވާރު ލެވެލް ކުރުމުގެ މަސައްކަތް ކުރިއަށްދާ ކަމަށް އާރުޑީސީން ބުނެފައިވެއެވެ. އަދި ލ. ގަމުގައި ފާލަން މަގުގައި ހޮޅިއެޅުމުގެ މަސައްކަތާއި އެކްސްކެވޭޝަން އަދި ބެކް ފިލިންގް މަސައްކަތް ކުރިއަށްދާ ކަމަށްވެސް އެ ކުންފުނިން ފާހަގަކޮށްފައިވެއެވެ. މީގެ އިތުރުން ގއ. ވިލިނގިލީގައި ހަވީރީ ހިނގުމުގައި ކީވޯލް އެޅުމުގެ މަސައްކަތާއި އިބްރާހިމީ މަގުގައި ކާރބް ސްޓޯން އެޅުމުގެ މަސައްކަތް ކުރިއަށްދާ ކަމަށްވެސް އާރުޑީސީން ބުނެފައިވެއެވެ.
އާރުޑީސީގެ އިން ރާއްޖޭގެ މަގުތައް ޒަމާނީ ފެންވަރަށް ގެނައުމަށް އެ ކުންފުނިން ދަނީ ގިނަ މަސައްކަތްތަކެއް ކުރަމުން ކަމަށެވެ. އަދި މި މަޝްރޫޢުތަކުގެ ސަބަބުން ރަށްރަށުގެ ރައްޔިތުންނަށް ލުއިފަސޭހަ ތަކެއް ލިބިގެންދާނެ ކަމަށް ބެލެވެއެވެ. މި މަޝްރޫޢުތަކުގެ މަސައްކަތް ނިމޭނެ ތާރީޚެއް އަދި ހާމަކޮށްފައި ނުވިނަމަވެސް، އަވަސް މުއްދަތެއްގެ ތެރޭގައި މަސައްކަތް ނިމިގެންދާނެ ކަމަށް ބެލެވެއެވެ.
