ހދ. ނޭކުރެންދޫ ބަނދަރު ތަރައްގީކުރުމުގެ މަޝްރޫއުގެ ދަށުން، އެއްގަމު ތޮށީގެ ބްލޮކް ޖެހުމުގެ މަސައްކަތް މިހާރު ނިމިފައިވާ ކަމަށް އެ މަސައްކަތް ކުރަމުންދާ ކުންފުނި ކަމަށްވާ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންކޮމްޕެނީ (އެމްޓީސީސީ) އިން ބުނެފިއެވެ.
އެމްޓީސީސީން މިހެން ބުނީ އެ ކުންފުނީގެ އެކްސް އެކައުންޓުން މިއަދު ކޮށްފައިވާ ޕޯސްޓައްގައެވެ.
އެގޮތުން އެ ކުންފުނިން އިތުރަށް ބުނެފައިވަނީ ނޭކުރެންދޫ ބަނދަރު ތަރައްގީ މަޝްރޫއުގެ ދަށުން، އެ ސައިޓުގައި މިހާރު ކުރިއަށް ދަނީ ކޮންކްރީޓް ކެޕިންގ މަސައްކަތް ކަމަށެވެ.
މި މަޝްރޫއަކީ 45.11 މިލިއަން ރުފީޔާގެ މަޝްރޫއެކެވެ.
