އޮކްޓޯބަރ ވޮލީ ބޯލް އެސޯސިއޭޝަން އޮފް މޯލްޑިވްސް އިން އިންތިޒާމްކޮށްގެން ބާއްވާ ގައުމީ އަންހެން ވޮލީބޯލް ލީގުގައި ވާދަކުރާ ޕޮލިސް ކުލަބު ޓީމުގެ ކުޅުންތެރިންނާއި އޮފިޝަލުންނަށް ޖާޒީ ހަވާލުކޮށްފިއެވެ.

ފުލުހުން ބުނީ އިއްޔެ ޝަޙީދު ހުސައިން އާދަމް ބިލްޑިންގގައި ބޭއްވި ރަސްމިއްޔާތެއްގައި ޕޮލިސް ކުލަބުގެ އަންހެން ވޮލީ ޓީމުގެ ކުޅުންތެރިންނާއި އޮފިޝަލުންނަށް ޖާޒީ ހަވާލުކޮށްދެއްވީ ކޮމިޝަނަރ އޮފް ޕޮލިސް އަލީ ޝުޖާއުކަމަށެވެ.

މި ރަސްމިއްޔާތުގައި ޑެޕއުޓީ ކޮމިޝަަނަރ އޮފް ޕޮލިސް ފަރުހާދު ފިކުރީ އާއި ޕޮލިސް ކްލަބްގެ ރައީސް އެސިސްޓެންޓް ކޮމިޝަނަރ އޮފް ޕޮލިސް މުހައްމަދު ރަޝީދު އާއި ޕޮލިސް ކްލަބްގެ ނައިބް ރައީސް ސްޕްރިންޓެންޑެންޓް އޮފް ޕޮލިސް ރަޖުނީ ޝުއައިބު އާއި ޕޮލިސް ކުލަބުގެ ޖެނެރަލް ސެކްރެޓަރީ އިންސްޕެކްޓަރ އޮފް ޕޮލިސް އަލީ އިބްރާހިމްގެ އިތުރުން ޕޮލިސް ކްލަބް އަންހެން ވޮލީޓީމްގެ ކުޅުންތެރިންނާއި އޮފިޝަލުން ބައިވެރިވިއެވެ.

ޓީމުގެ ކުޅުންތެރިންނަށް ޖާޒީ ހަވާލުކޮށްދެއްވައި، ކޮމިޝަނަރ އޮފް ޕޮލިސް އަލީ ޝުޖާޢު ދެއްކެވި ވާހަކަފުޅުގައި ޓީމަށް ފުރިހަމަ ކާމިޔާބީއަށް އެދިލައްވައި، ކުޅިވަރުގެ ރޫހާއި އެއްގޮތަށް ކުޅުމަށް އިލްތިމާސްކުރެއްވިއެވެ.

މިއަހަރު ގައުމީ ވޮލީބޯޅަ ލީގުގައި ވާދަކުރާ ޕޮލިސް ކްލަބް އަންހެން ވޮލީބޯލް ޓީމްގައި ހިމެނޭ ކުޅުންތެރިންގެ ތެރެއިން 8 ކުޅުންތެރިންނަކީ ފުލުހުންގެ މުއައްސަސާގައި މަސައްކަތްކުރާ މުވައްޒަފުންނެވެ.

ފުލުހުން އިތުރަށް ބުނީ ދެން ހިމެނެނީ ޕޮލިސް ކުލަބުގެ އެކަޑަމީ "ބްލޫސް ފޮރ ވޮލީބޯލް" ގެ 14 އަހަރުގެ ކުޅުންތެރިއަކާއި 20 އަހަރުން ދަށުގެ ގައުމީ ޓީމުގެ ދެ ކުޅުންތެރިޔަކާއި ސީނިއަރ ގައުމީ ޓީމުގައި ހިމެނޭ ކުޅުންތެރިންނާއި ރާއްޖެއިން ބޭރުގެ ކުޅުންތެރިޔަކާއެކު މުއައްސަސާއިން ބޭރު 6 ކުޅުންތެރިން ކަމަށެވެ.

މި މުބާރާތުގައި ޕޮލިސް ކުލަބުގެ ކެޕްޓަނަކީ ޤައުމީ އަންހެން ވޮލީޓީމުގެވެސް ކެޕްޓަން ހައްވާ ރާޝިދާއެވެ. އަދި ޓީމްގެ ހެޑް ކޯޗަކީ ރާއްޖޭގެ ޤައުމީ ޓީމްގެ ހެޑް ކޯޗް ސަފްވާން އަހްމަދުއެވެ.

މި މުބާރާތުގައި 6 ޓީމް ބައިވެރިވެފައިވެއެވެ. މިޓީމްތަކުގެ ތެރޭގައި ހިމެނެނީ ޕޮލިސް ކުލަބުގެ އިތުރުން އަސްދިގާ ސްޕޯޓްސް، ކްލަބް ވެމްކޯ، ގޫޑީސް ސްޕޯޓްސް ކްލަބް، ހިއްމަފުށި ވިކްޓޯރިއަސް ސްޕޯޓްސް ކްލަބްގެ އިތުރުން ވޮލީބޯލް ޔޫތް ނިއު ޖެނަރޭޝަން ޓީމެވެ.

ގައުމީ ވޮލީބޯޅަ ލީގު ކުރިއަށްދަނީ އޮކްޓޫބަރު މަހުގެ 9 އިން 14 އަށް ޔޫތު ސެންޓަރު އެތެރޭ ހޯލުގައެވެ.

އިތުރު ލިޔުންތައް ޕޮލިސް ސާވިޝް