ޖަޕާނުގެ ޔުނިވާސިޓީ އޮދް ސްކުބާއިން އިކޮނޮމިކް އެންޑް ޕަބްލިކް ޕޮލިސީ ކިޔެވުމުގެ ފުރުސަތު ހުޅުވާލައިފިއެވެ.
މިއީ, މަތީ ތައުލީމާއި މަސައްކަތްތެރިކަމާއި ހުނަރުތައް ތަރައްގީކުރުމާ ބެހޭ ވުޒާރާ މެދުވެރިކޮށް, ވަރލްޑް ބޭންކް އަދި އޭޝިއަން ޑިވެލޮޕްމެންޓް ބޭންކް ސްކޮލަޝިޕްގެ ދަށުން ލިބިގެންދާ ފުރުސަތެކެވެ.
ޔުނިވާސިޓީ އޮފް ސްކުބާގެ އިކޮނޮމިކް އެންޑް ޕަބްލިކް ޕޮލިސީ ޕްރޮގްރާމަކީ ހިއުމަނިޓީސް އެންޑް ސޯޝަލް ސައިންސެސްގެ ދަށުން ކުރިއަށް ގެންދާ މާސްޓަރސް ޑިގްރީ ޕްރޮގްރާމެކެވެ.
މި ސްކޮލަޝިޕަށް ހުށައަޅާ ފަރާތްތަކުގެ ހަމަވާން ޖެހޭ ޝަރުތުތައް:
- ޑުއަލް ސިޓިޒެންޝިޕް އޮތް ފަރާތަކަށް ނުވުން
- ބެޗްލަރސް ޑިގްރީ ހާސިލުކޮށްފައިވާ ފަރާތަކަށް ވުން
- 2 އަހަރުގެ އަމަލީ މަސައްކަތުގެ ތަޖުރިބާ ލިބިފައިވުން
- އުމުރުން 35 އަހަރުން މަތީ ފަރާތަކަށް ނުވުން
- އިނގިރޭސް ބަހުން ލިޔަންކިޔަން ދަތުން
މީގެ އިތުރުން, ޖަޕާނުގައި މަތީ ތައުލީމު ހާސިލުކުރުމަށްފަހު ދިވެހިރާއްޖޭގައި މަދުވެގެން ދެ އަހަރު ވަޒީފާ އަދާކުރުމަށް އެއްބަސްވާން ޖެހެއެވެ.
މި ސްކޮލަޝިޕަށް އެދި ހުށައެޅުމުގެ ސުންގަޑިއަކީ 15 ނޮވެމްބަރު 2024 އެވެ. ސްކޮލަޝިޕަށް އެދި ހުށައަޅާނީ ޔުނިވާސިޓީ އޮފް ސުކުބާގެ ވެބްސައިޓު މެދުވެރިކޮށެވެ.
މި ސްކޮލަޝިޕާ ބެހޭ ގޮތުން އިތުރު މައުލޫމާތު, އެ ޔުނިވާސިޓީގެ ވެބްސައިޓު މެދުވެރިކޮށް, ނުވަތަ އީމެއިލް އެޑްރެހަށް އީމެއިލް ކޮށްގެން ލިބިގެންދާނެއެވެ.
