އައްޑޫސިޓީގެ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ފަރާތުން އެ ސިޓީގައި ބޭސިކް ކޮމްޕިއުޓަރ ކޯހެއް ބޭއްވުމަށް ނިންމައިފިއެވެ.
މި ކޯހަކީ ވިޔަފާރި ކުރައްވާ އަންހެން ބޭފުޅުންނަށް އަމާޒުކޮށްގެން ކުރިއަށް ގެންދާ ކޯހެކެވެ.
މިކޯހުގެ ކުރަންޖެހޭ ހުރިހާ ޚަރަދެއް ކުރުމަށް ހަމަޖެހިފައިވަނީ އައްޑޫ ސިޓީ އަންހެނުންގެ ތަރައްގީއަށް މަސައްކަތް ކުރާ ކޮމިޓީއިންނެވެ. މި ކޯސް ކުރިއަށް ގެންދިއުމަށް ހަމަޖެހިފައިވަނީ އައްޑޫ ސިޓީގެ ހުރިހާ ރަށަކަށް އަމާޒު ކުރެވިގެން އެއް ކިލާހެއްގެ ގޮތުގައެވެ.
އައްޑޫ ސިޓީގެ އ.ތ.މ ކޮމިޓީގެ ފަރާތުން ކުރިއަށްގެންދާ މި ކޯހުގައި ބައިވެރިވުމަށް ޝައުގުވެރިވާ ފަރާތްތަކުން, 13 އޮކްޓޯބަރު 2024 އިން 22 އޮކްޓޯބަރު 2024 ގެ ނިޔަލަށް, ސަރުކާރު ބަންދު ނޫން ކޮންމެ ދުވަހެއްގެ ހެނދުނު 9:00 އިން 12:00 އާ ދެމެދުގެ ގަޑިތަކުގައި، ކޯހުގައި ނަން ނޯޓުކުރުމަށާއި އިތުރު މަޢުލޫމާތު ހޯއްދެވުމަށް ކޮމެޓީގެ ރަސްމީ ނަންބަރު (9336787) އަށް ގުޅުއްވުމަށް އެ ކޮމިޓީއިން ވަނީ އެދިވަޑައިގަންފައެވެ.
