އިންޑިއާގެ ކަރްނާޓަކާ ސްޓޭޓްގެ ހަޔަރ އެޑިއުކޭޝަން މިނިސްޓަރު، ޑރ އެމް.ސީ. ސުދާކަރް ރައީސުލްޖުމްހޫރިއްޔާ ޑޮކްޓަރ މުހައްމަދު މުއިއްޒުގެ އަރިހަށް އިހުތިރާމުގެ ޒިޔާރަތެއް ކުރައްވައިފިއެވެ.
މިބައްދަލުކުރެއްވުމުގައި ހަޔަރ އެޑިއުކޭޝަން މިނިސްޓަރާއި ރައީސް ވަނީ، ތައުލީމީ ދާއިރާގައި އެއްބާރުލުންދިނުމަށާއި، ރާއްޖޭގައި ޒުވާނުންގެ ހުނަރުތައް އިތުރުކުރުމުގެ ގޮތުން އިންޑިއާގައި، ހާއްސަކޮށް ބެންގަލޫރުގައި މަތީ ތައުލީމުގެ ފުރުސަތުތައް އިތުރުކުރުމާމެދު މަޝްވަރާކުރައްވާފައެވެ.
އަދި އިންޑިއާގައި ދިވެހި ދަރިވަރުންނަށް މަތީ ތަޢުލީމުގެ ފަހި ފުރުސަތުތަކެއް ހުޅުވާލުމާ ބެހޭގޮތުންވެސް މިނިސްޓަރ ސުދާކަރް މަޝްވަރާކުރެއްވިއެވެ.
މިނިސްޓަރ ސުދާކަރް ވަނީ ބެންގަލޫރުގެ ވައިގެބަނދަރުން، ރައީސްގެ ދެކަނބަލުންނަށް އަލްވަދާއު ވިދާޅުވެފައެވެ.
