މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން އެ ކުންފުނީގެ މުވައްޒަފުންގެ ލީޑަރޝިޕް ގާބިލުކަން އިތުރުކުރުމަށް އަމާޒުކޮށްގެން ބޭއްވި ސުޕަވައިޒަރީ ސްކިލް އެންހޭންސްމަންޓް ޕްރޮގްރާމް 2024 ކާމިޔާބުކަމާއެކު ނިންމާލައިފިއެވެ.
އޮކްޓޯބަރު 12 އިން 13 އަށް ބޭއްވުނު މި ދެ ދުވަހުގެ ޕްރޮގްރާމުގައި ކޮންސްޓްރަކްޝަން އެންޑް ޕްރޮޖެކްޓްސް ޑިވިޝަން (ސީޕީޑީ) އާއި ކޮންސްޓްރަކްޝަން އެންޑް ޑްރެޖިންގ ޑިވިޝަން (ޑީޕީޑީ) ގެ 107 ސުޕަވައިޒަރުން ބައިވެރިވެފައިވާކަމަށް އެމްޓީސީސީއިން މަޢުލޫމާތުދެއެވެ.
ޕްރޮގްރާމްގެ އިފްތިތާހީ ޖަލްސާގައި އެމްޓީސީސީގެ މެނޭޖިންގ ޑިރެކްޓަރ، އަޙްމަދު ސައުދީ އާއި ޑެޕިއުޓީ މެނޭޖިންގ ޑިރެކްޓަރ ޙަސަން މުޣުނީ ވާހަކަފުޅު ދެއްކެވިއެވެ.
މި ޕްރޮގްރާމްގައި ސުޕަވައިޒަރުން ބައިވެރިވެފައިވަނީ އެމްޓީސީސީގެ އެގްޒެކެޓިވުންނާއި ޓެކްނިކަލް މާހިރުން ކުރިއަށް ގެންދިޔަ އެކި ސެޝަންތަކުގައެވެ. މި ސެޝަންތަކުގައި މަސައްކަތުގެ ސިއްޙަތާއި ރައްކާތެރިކަން، މާލީ ސިޔާސަތުތައް، އިންޓަރނަލް އޮޑިޓް، ރިސްކް މެނޭޖްމަންޓް، އޭއާރުއެމްޑީ މެއިންޓަނަންސް، އެޗްއާރު ސިޔާސަތުތައް އަދި ސުޕަވައިޒަރީ ހުނަރުތަކުގެ މައްޗަށް މަޢުލޫމާތު ދެވުނުކަމަށް އެމްޓީސީސީއިން ބުނެއެވެ.
ނިންމުމުގެ ރަސްމިއްޔާތުގައި އެމްޑީ އަޙްމަދު ސައުދީ އާއި އެމްޓީސީސީގެ ޗެއަރމަން މުޙައްމަދު ޙުސައިން އަފީފް ވަނީ ބައިވެރިންގެ މަސައްކަތާއި ޕްރޮގްރާމްގެ ކާމިޔާބީއަށް ތަޢުރީފުކުރައްވާފައެވެ.
މިއީ އެމްޓީސީސީއިން އިންތިޒާމުކުރި ތިންވަނަ ސުޕަވައިޒަރުންގެ ފޯރަމެވެ. މިއިން ދައްކުވައިދެނީ ކުންފުނީގެ އެކި ޑިވިޝަންތަކުގައި ލީޑަރޝިޕާއި ހިންގުމުގެ ފެންވަރު މަތިކުރުމަށް އެމްޓީސީސީއިން ދެމުންގެންދާ އަހައްމިއްޔަތުކަމެވެ.
