ފުޓުބޯޅައިގެ އަލިގަދަ ތަރި ލިއޮނަލް މެސީ ދާދި ފަހުން ނެރުނު "މާސް" ބެވެރޭޖްއިން މަޝްހޫރު ދެ އިންފްލުއެންސަރުން ކަމުގައިވާ ލޯގަން ޕައުލް އަދި ކޭއެސްއައިގެ "ޕްރައިމް ހައިޑްރޭޝަން" އާ ދެކޮޅަށް ގާނޫނީ ފިޔަވަޅު އަޅަން ނިންމައިފިއެވެ.

މާސްއިން ޕްރައިމްއާ ދެކޮޅަށް ގާނޫނީ ފިޔަވަޅު އަޅާފައި މި ވަނީ, ދާދި ފަހުން ޕްރައިމްއިން ޓްރޭޑް ޑްރެސް އިންފްރިންޖްމެންޓް ގާނޫނުގެ ދަށުން މާސް އުފެއްދުން ހުއްޓާލުމަށް އެ ކުންފުންޏައް އިންޒާރުދީފައި ވަނިކޮށެވެ.

އެންޓަޓެއިންމެންޓް މީޑިއާއެއް ކަމުގައިވާ ޑެކްސާޓޯއިން ހާމަކުރާ ގޮތުގައި މާސްގެ ގާނޫނީ ފިޔަވަޅުތަކުގެ ފެށުމަކީ, މި އަހަރުގެ ޖޫން މަހު އެ ކުންފުނި އުފެދިގެންއައި އިރުން ފެށިގެން, ޕްރައިމް ހައިޑްރޭޝަންއިން މާސްއަކީ ޕްރައިމް ނަކަލު ކޮށްގެން ބެވެރެޖެސް ވިއްކަން ފެށި ކުންފުންޏެއް ކަމަށް ތުހުމަތު ކުރުމެވެ. މި ތުހުމަތުތަކުގެ އިތުރުން ޕްރައިމްއިން ވަނީ ޓްރޭޑް ޑްރެސް އިންފްރިންޖްމެންޓް ގާނޫނުގެ ދަށުން ކްލާސް އެކްޝަން ލޯސޫޓެއް މާސްއާ ދެކޮޅަށް ހުށައަޅާނެކަމަށް ބުނެ އިންޒާރުދީފައެވެ.

މި އިންޒާރުތަކާއި ތުހުމަތުތަކުގެ ރައްދެއް ގޮތުގައި މާސްއިން ވަނީ މި އަހަރުގެ އޮކްޓޯބަރު މަހުގެ 8 ވަނަ ދުވަހު ޕްރައިމްއާ ދެކޮޅަށް ގާނޫނީ ފިޔަވަޅު އަޅާފައެވެ. މާސްއިން ކޯޓަށް ހުށަހެޅި މައްސަލައިގައި އެ ކުންފުނިން ވަނީ ޕްރައިމްއަކީ "އެންޓި ކޮމްޕެޓެޓިވް" ކުންފުންޏެއް ކަމަށާއި މާސްގެ ބްރޭންޑާއި ޕްރޮޑަކްޓްތަކުގެ ނަން ވެއްޔާ މޮޑެލަން މަސައްކަތް ކުރާ ބައެއް ކަމަށް ތުހުމަތު ކޮށްފައެވެ.

ލޯގަން ޕައުލް އާއި ކޭއެސްއައިގެ ޕްރައިމްއާ ދެކޮޅަށް މެސީގެ މާސްއިން ކޯޓަށް ހުށައަޅާފައިވާ މައްސަލަތަކުގެ އަޑުއެހުންތައް ފެށުމަށް ތާވަލު ކުރެވިފައިވާ ދުވަހެއް އަދި ކަށަވަރުވެފައެއް ނުވެއެވެ.

އިތުރު ލިޔުންތައް މެސީ