ސަޔްހޫނީ އިޒްރޭލުން ޣައްޒާގެ 3 ހޮސްޕިޓަލަކަށް ހަމަލާދީ 33 މީހުން ޝަހީދު ކޮށްލައިފި ކަމަށް އަލްޖަޒީރާއިން ރިޕޯޓް ކޮށްފިއެވެ.
އަލްޖަޒީރާއިން ރިޕޯޓް ކޮށްފައިވާ ގޮތުގައި ޣައްޒާގެ އެންމެ ބޮޑު 3 ހޮސްޕޮޓަލު ކަމުގައިވާ އިންޑޮނޭޝިޔަން ހޮސްޕިޓަލާއި އަލް އަވްދާ ހޮސްޕިޓަލާއި ކަމާލް އަދްވާން ހޮސްޕިޓަލު ހިސާރުކޮށްގެން ސަޔްހޫނީ ސިފައިން ތިބޭތީ ހަފްތާއެއް ވަނީ ވެފައެވެ.
އަލްޖަޒީރާއިން ރިޕޯޓުކޮށްފައިވާ ގޮތުގައި ސަހްޔޫނީ ސިފައިން ޣައްޒާގެ ހޮސްޕިޓަލްތަކަށް ހަމަލާ ދެނީ ޓޭންކަރުތަކުންނެވެ.
މިދިޔަ އަހަރުގެ އޮކްޓޫބަރު 8 ވަނަ ދުވަހުން ފެށިގެން ފަލަސްތީނު ރައްޔިތުންގެ ނަސްލު ނައްތާލުމަށް އިޒްރޭލުން ހިންގަމުން އަން އުދުވާނުގައި މިހާތަނަށް 42،000 އެއްހައި މީހުން އިޒްރޭލުން ވަނީ ޝަހީދު ކޮށްލާފައެވެ. މީގެ ތެރޭގައި ގިނައީ އަންހެނުންނާއި ކުޑަކުދިން ކަމަށް ފަލަސްތީނުގެ ސިއްހީ ވުޒާރާއިން ހާމަ ކުރައްވައެވެ.
