ރާއްޖޭގައި ދިރިއުޅޭ ސްރީލަންކާ ރައްޔިތުންނަށް އަމާޒުކޮށް ޚާއްޞަ ދީނީ ފޯރަމެއް އިސްލާމީ ކަންތައްތަކާބެހޭ ވުޒާރާއާއި ސްރީލަންކާ ކޮމިއުނިޓީ ގުޅިގެން، ބާއްވައިފިއެވެ.
މި ފޯރަމް އިންތިޒާމުކޮށްފައިވަނީ އިސްލާމީ މަރުކަޒުގެ ޖަލްސާކުރާ މާލަމުގައެވެ.
އިސްލާމީ ކަންތައްތަކާއި ބެހޭ ވުޒާރާއިން ވިދާޅުވީ މި ފޯރަމްގައި ދަރުސް ދެއްވީ ސްރީލަންކާގެ މަޝަހޫރު ދާޢީ، ޝައިޚް އަކްރަމް ނޫރަމިތެކަމަށެވެ. މި ހަރަކާތުގައި ގިނަ އަދަދެއްގެ ސްރީލަންކާ ރައްޔިތުން ބައިވެރިވިއެވެ.
އިސްލާމީ ކަންތައްތަކާއި ބެހޭ ވުޒާރާއިން ދިވެހިރާއްޖޭގައި ދިރިއުޅޭ އެކި ޤައުމުތަކުގެ މުސްލިމުންނަށް އަމާޒުކޮށްގެން ތަފާތު ދީނީ ޙަރަކާތްތައް ހިންގަމުން ގެންދެއެވެ.
މީގެ ތެރޭގައި ބަންގްލަދޭޝް ރައްޔިތުންނަށް ޚާއްޞަކޮށްގެން ކޮންމެ ހަފުތާއަކު ބާާއްވާ ދީނީ ދަރުސްތައް ފާހަގަކޮށްލެވެއެވެ.
