ބެންކޮކްމަގުން ރާއްޖެއަށް އެތެރެކުރަން އުޅުނު 1 ކިލޯއަށްވުރެ ގިނަ މަސްތުވާތަކެތި މޯލްޑިވްސް ކަސްޓަމްސް ކަސްޓަމްސްއިން އަތުލައިގަނެފިއެވެ.
މޯލްޑިވްސް ކަސްޓަމްސްއިން މި ކަން ހާމަ ކުރައްވާ ރޭ ވަނީ އެކްސްގައި ޕޯސްޓެއް ކުރައްވާފައެވެ.
އެ ޕޯސްޓްގައި ކަސްޓަމްސް އިން ބުނީ ވައިގެ މަގުން ރާއްޖެއަށް އެތެރެކުރަން އުޅުނު 1.86 ކިލޯގެ މަސްތުވާތަކެތި އަތުލައިގަނެފައިވާކަމަށެވެ. އަދި ހޮނިހިރު ދުވަހު ބެންކޮކްގެ ފްލައިޓަކުން ރާއްޖެއައި 33 އަހަރުގެ ދިވެހި ފިރިހެނެއްގެ ދަބަހުން އެތަކެތި އަތުލައިގަތީ މަސްތުވާތަކެތި ހުރިކަމަށް ޝައްކުކުރެވިގެން، ބަލާފާސްކުރުމުގެ ތެރޭގައި ކަމަށްވެސް އެ އިދާރާއިން ބުނެފައިވެއެވެ.
ހަމައެއާއެކު އެތަކެތި ޓެސްޓްކުރުމުން މަސްތުވާތަކެތީގެ ބާވަތެއް ކަމަށްވާ މެފެޑްރޯން އަށް ޕޮޒިޓިވްވެފައިވާކަމަށާއި އަދި މި މަސްތުވާތަކެތީގެ އަގު 3.34 މިލިއަން ރުފިޔާއަށް އަރާނޭކަމަށްވެސް ކަސްޓަމްސްއިން ބުންޏެވެ.
ކަސްޓަމްސްގެ ޕޯސްޓްމި މައްސަލާގައި އަތުލައިގަތް މަސްތުވާތަކެއްޗާއި އެމީހާ މިހާރުވަނީ ފުލުހުންގެ ބެލުމުގެ ދަށުގައެވެ.
