މާލޭ އަދި ހުޅުމާލޭގެ ބައެއް ސަރަހައްދުތަކުން މިއަދު ކަރަންޓުގެ ހިދުމަތް މެދުކެނޑުން އެކަށީގެންވާކަމަށް ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން ވިދާޅުވެއްޖެއެވެ.
ސްޓެލްކޯއިން ވިދާޅުވީ ކަރަންޓް ހިދުމަތް މެދުކެނޑެނީ އެ ކުންފުނީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތް ކުރިއަށް ދާތީ ކަމަށެވެ.
އެގޮތުން، މާއަދު ހެނދުނު 9:30 ން 11:30 ށް މާލެ ސިޓީ، ޖަނަވަރީ ހިނގުން، ބުރުޒު މަގު، ލޮނުޒިޔާރަތް މަގު އަދި ކަލާފާނު ހިނގުން ހިމެނޭ ސަރަޙައްދުންވެސް ކަރަންޓުގެ ޚިދުމަތް މެދުކެނޑުން އެކަށީގެންވާ ކަމައް ސްޓެލްކޯއިން ވިދާޅުވިއެވެ. އަދި 14:00 އާއި 16:00 އާ ދެމެދު މާލެ ސިޓީ، މޫނިމާ ހިނގުން، ލޮނުޒިޔާރަތް މަގު، ކިނބިގަސް މަގު، ޖަނަވަރީ ހިނގުން އަދި މުތްތޮށި ގޯޅި ހިމެނޭ ސަރަހައްދުންވެސް ހިދުމަތް ކެނޑުމުގެ ފުރުސަތު އޮތްކަމަށް ސްޓެލްކޯއިން ވިދާޅުވިއެވެ.
މީގެ އިތުރުން، މެންދުރުފަހު 14:00 ން 16:00 ށް ހުޅުމާލެ، ފޭން 1، ނިރޮޅު މަގު، އުނިގަސް މަގު އަދި ނިރޮޅު މަގު ގޯޅި 16، 15 ހިމެނޭ ސަރަޙައްދުންވެސް ކަރަންޓުގެ ޚިދުމަތް މެދުކެނޑުން އެކަށީގެންވާ ކަމައް ސްޓެލްކޯއިން ވިދާޅުވިއެވެ.
ކަރަންޓުގެ ވިއުގަ އަޕްގްރޭޑް ކުރުމުގެ މި މަސައްކަތްތަކުގެ ސަބަބުން ކަރަންޓުގެ ހިދުމަތް މެދުކެނޑިގެން ދިމާވާނެ ދަތިތަކަށް ސްޓެލްކޯއިން ވަނީ މާފަށް އެދިވަޑައިގަންފައެވެ.
