ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އިން ރާއްޖޭގެ ސެންޓްރަލް ރީޖަންގެ ރަށްރަށުގެ މަގުތައް ޒަމާނީ ފެންވަރަށް ތަރައްގީކޮށް، ރަށުގެ ރައްޔިތުންނަށް ކަނެކްޓިވިޓީ އާއި އިންފްރާސްޓްރަކްޗާ ހަރުދަނާ ކުރުމުގެ މަސައްކަތް މިހާރުވެސް ދަނީ މެދު ނުކެނޑި ކުރަމުންނެވެ.
މިގޮތުން ނ. ވެލިދޫ، އދ. މާމަގިލީ އަދި ދ. ކުޑަހުވަދޫގައި މަގުތައް ތަރައްގީކުރުމުގެ މަޝްރޫޢުތައް ބާރު ސްޕީޑުގައި މިހާރު ދަނީ ކުރިއައްދެއެވެ.
ނ. ވެލިދޫއަށް ބަލާލާއިރު، މިވަގުތު އާރްޑީސީއިން ދަނީ އެރަށު މެރިން ޑްރައިވް ސަރަހައްދުގައި ކާރބް ސްޓޯން ޖެހުމުގެ މަސައްކަތާއި މެރިން ޑްރައިވް ސަރަހައްދުގައި ހޮޅި އެޅުމުގެ މަސައްކަތް ކުރަމުންނެވެ.
އދ. މާމަގިލީ މަގުތައް ތަރައްޤީކުރުމުގެ ގޮތުން މިވަގުތު އާރުޑީސީއިން ދަނީ އެރަށު އަމީނީމަގުގައި ހޮޅި އެޅުމުގެ މަސައްކަތާި އެ މަގު ކޮނުމާއި ކާރބް ސްޓޯން ޖެހުމުގެ މަސައްކަތްވެސް ކުރަމުންނެވެ.
ދ. ކުޑަހުވަދޫގައި އާރްޑީސީއިން ދަނީ އޯކިޑު މަގުގައި ސްޓޮރމް ވޯޓަރ އެޅުމަށް މަގު ކޮނުމުގެ މަސައްކަތާއި ދޮށިމޭނާ މަގުގައި މަގު އެއްވަރު ކުރުން އަދި ބެކް ފިލިންގގެ މަސައްކަތް ކުރަމުންނެވެ.
އާރްޑީސީން އަންނަނީ މާލެގެ އިތުރުން ރާއްޖޭގެ އެކި ރަށްރަށުގައިވެސް އެކި މަސައްކަތްތައްކޮށް މަގުތައް ޒަމާނީ ފެންވަރަށް ތަރައްގީކުރަމުންނެވެ.
