ބިލިޔަނަރު މާކް ޒަކަރބާގުގެ މެޓައިން އިންސްޓަގްރާމް، ވަޓްސްއެޕް އަދި ރިއަލިޓީ ލެބްސްގެ މުވައްޒަފުންތަކެއް ވަޒީފާއިން ވަކިކޮށްފި ކަމަށް "ދަ ވަރޖް" އިން ރިޕޯޓުކޮށްފިއެވެ.
ވަޒީފާއިން ވަކިކުރެވުނު މުވައްޒަފުންގެ ސީދާ އަދަދު ހާމަކޮށްފައި ނުވިނަމަވެސް، މަޢުލޫމާތު ދިން ފަރާތްތަކުން ބުނާ ގޮތުގައި އެއީ ކުޑަ އަދަދެކެވެ. މެޓަގެ ތަރުޖަމާނެއް ކަށަވަރުކޮށްދިން ގޮތުގައި ކުންފުނިން ދުރު ރާސްތާގެ ސްޓްރެޓެޖިކް ލަނޑުދަނޑިތަކާއި ތަންތަނުގެ ސްޓްރެޓެޖީއާ އެއްގޮތްވާ ގޮތުގެ މަތިން ޓީމުތަކަށް ބަދަލު ގެންނަމުންދެއެވެ. މި ބަދަލުތަކުގެ ތެރޭގައި ޓީމުތައް އައު ތަންތަނަށް ބަދަލުކުރުމާއި މުވައްޒަފުން އެހެން މަޤާމުތަކަށް ބަދަލުކުރުން ހިމެނެއެވެ. މަޤާމުތައް އުވާލެވުނު މުވައްޒަފުންނަށް މެޓައިން އެހެން ފުރުސަތުތައް ހޯދައިދިނުމަށް މަސައްކަތްކުރަމުންދާކަމަށް ވާޖްއިން ރިޕޯޓުކުރެއެވެ.
މީގެ އިތުރުން، ދަ ފައިނޭންޝަލް ޓައިމްސް އިން ރިޕޯޓުކުރި ގޮތުގައި މެޓައިން ލޮސް އެންޖެލެސްގައި މަސައްކަތްކުރާ 24 މުވައްޒަފުން ވޭތުވެދިޔަ ހަފްތާގައި ވަޒީފާއިން ވަކިކޮށްފިއެވެ. މިއީ ދުވާލަކަށް ދެވޭ 25 ޑޮލަރުގެ ކެއުމުގެ އެލަވަންސް ބޭނުންކޮށްގެން ލަންޑަރީ ޑިޓާޖެންޓާ ވައިން އަޅާ ޒާތުގެ ބިއްލޫރި ތަށި ފަދަ ގޭގައި ގެންގުޅޭ ތަކެތި ގަތުމުގެ ތުހުމަތުގައެވެ. މި ވަކިކުރުންތަކަކީ އެ ކުންފުނީގެ ފުޅާ ދާއިރާއެއްގައި ޓީމުތައް އަލުން އެކުލަވާލުމާ ގުޅުމެއް ނެތް ކަމެކެވެ.2022 ވަނަ އަހަރުގެ ނޮވެމްބަރު މަހުން ފެށިގެން މެޓައިން ގާތްގަނޑަކަށް 21،000ވަޒީފާ އުވާލާފައިވެއެވެ. މިއީ ޚަރަދުތައް ކުޑަކުރުމަށް ކުރެވުނު ކަމެކެވެ. އަދި ސީއީއޯ މާކް ޒަކަބާގް ވަނީ 2023 ވަނަ އަހަރަކީ "އެފިޝެންސީގެ އަހަރު" ކަމުގައި އިޢުލާނުކޮށްފައެވެ.
މެޓަގެ ހިއްސާގެ އަގު މި އަހަރު 60 އިންސައްތައަށް ވުރެ މަތިވެފައިވެއެވެ. މިއީ މިއަހަރުގެ ދެވަނަ ކުއާޓަރގެ ވަރުގަދަ ނަތީޖާއާއި ކުރިމަގުގެ އާމްދަނީއަށް ކުރެވޭ އުއްމީދުވެރި ލަފާތަކުގެ ސަބަބުންނެވެ.
