ކ. ގުރައިދޫގައި ގަވައިދާ ހިލާފަށް އުޅޭ ބިދޭސީން ހޯދަން އިިމިގްޜޭޝަނުންް އޮޕަރޭޝަނެއް ފަށައިފިއެވެ.
އިމިގްރޭޝަނުން ވަނީ މި ކަން ހާމަކުރައްވާ އެ އިދާރާއިގެ އެކްސް އެކައުންޓްގައި ޕޯސްޓެއް ކުރައްވާފައެވެ.
އެ ޕޯސްޓްގައި އެ އިދާރާއިން އިތުރަށް ބުނެފައިވަނީ މިއީ ރަށްރަށުގައި ގަވާއިދާ ހިލާފަށް އުޅޭ ބިދޭސީންނާއި ގުޅޭ ރިޕޯޓުތަކަށް ބަލައި، އިމިގްރޭޝަނާއި ފުލުހުން އަދި ކަމާގުޅުންހުރި އެހެނިހެން އިދާރާތައް ގުޅިގެން ހިންގާ އޮޕަރޭޝަނެއް ކަމަށެވެ.
އަދި މިއޮޕަރޭޝަނުގައި އިމިގްރޭޝަން ކޮންޓްރޯލަރު ޝަމްއާން ވަހީދުވެސް ބައިވެރިވެ ވަޑައިގެންނެވިއެވެ.
އިމިގްރޭޝަނުން މިހާރު ހިންގަމުންދާ ރެއިޑްތައް މާލޭގައި ހިންގަމުންދާ އިރުވެސް ބޮޑަށް އަމާޒުކުރަމުން ދަނީ ގަވައިދާ ހިލާފަށް ވިޔަފާރިކުރާ ބިދޭސީން ހޯދުމަށެވެ. އަދި މާލެ އާއި ހުޅުމާލޭގައި ހިންގާ މި ރެއިޑްތަކުގެ އިތުރުން މާސް ދެ އިންސްޕެކްޝަނެެއް ހިންގާފައިވެއެވެ.
މި ފަދަ އޮޕަރޭޝަން ތަކުގައި ގިނަ އަދަދެއްގެ ބިދޭސީން އަތުލައިގެންފައި ވެއެވެ. އެގޮތުން މިހާތަނަށް އެގޮތަށް އުޅެމުން އައި 4،000 އަށް ވުރެ ގިނަ ބިދޭސީން ވަނީ ފޮނުވާލާފައެވެ.
