ކައްދޫ އެއާޕޯޓުގައި ކުރިއަށްދިޔަ އެއާޕޯޓް ފުލްސްކޭލް އިމަޖެންސީ އެކްސަސައިޒުގައި އެމްއެންޑީއެފް ސެންޓްރަލް އޭރިއާ ކޮމާންޑުން ބައިވެރިވެއްޖެއެވެ.
އެމްއެންޑީއެފުން ބުނީ މި އެކްސަސައިޒުގައި، އެއާޕޯޓެއްގައި ދިމާވެދާނެ ކުއްލި ހާލަތެއްގައި ރައްޔިތުންގެ މުދަލާއި ފުރާނަ ސަލާމަތް ކުރުމަށް ބޭނުންވާ އަވަސް އެހީތެރިކަން ފޯރުކޮށްދެވޭނެ ގޮތްތައް ވަނީ ފަރިތަކޮށްފައިވާ ކަމަށެވެ.
އަދި މި އެކްސަސައިޒުގައި އެމްއެންޑީއެފްގެ އިތުރުން ލާމު ޕޮލިސް ސްޓޭޝަނުންނާއި، ގަން ރީޖަނަލް ހޮސްޕިޓަލާއި، ލ. ފޮނަދޫ ސިއްހީ މަރުކަޒާއި، ލ. އަތޮޅު ކައުންސިލްގެ އިތުރުން ކައްދޫ އެއާޕޯޓްސް ކޮމްޕެނީންވެސް ބައިވެރިވިއެވެ.
