އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއިން ބ. އޭދަފުށީގައި ގާއިމުކޮށްފައިވާ ސަރުކާރުގެ އެކި އިދާރާތަކުގެ އިސްވެރިންނަށް ވުޒާރާގެ މަސައްކަތްތަކާ ގުޅޭ މަޢުލޫމާތު ހިއްސާކޮށްފިއެވެ.
މި މަޢުލޫމާތު ދިނުމުގެ ބައްދަލުވުން ބޭއްވުނީ ބ. އޭދަފުށީ ކައުންސިލް އިދާރާގައެވެ. މި ބައްދަލުވުމުގައި ވުޒާރާގެ ފަރާތުން ކުރިއަށްގެންދާ އިޖުތިމާޢީ ބަދަހި މަދަދުވެރިން (އރިން (އިބަމަ) ޕްރޮގްރާމާ ގުޅޭ މަޢުލޫމާތު ހިއްސާކުރެވުނެވެ. މީގެ އިތުރުން "ހާލު ކިހިނެއް؟" އަދި "ކޮންމެ ކުއްޖަކަށް ޢާއިލާއެއް" ޕްރޮގްރާމްތަކާ ގުޅޭ މަޢުލޫމާތުވެސް ބައިވެރިންނާ ހިއްސާކުރެވުނެވެ.
އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާގެ މަސައްކަތްތަކަށް ކަމާގުޅުންހުރި އިދާރާތައް އަހުލުވެރިކުރުމަށް ކުރަމުންދާ މަސައްކަތުގެ ތެރެއިން މި ބައްދަލުވުން ބޭއްވުނީއެވެ. މި ބައްދަލުވުމުގެ މަޤްޞަދަކީ ވުޒާރާގެ މަސައްކަތްތަކާ ގުޅޭގޮތުން ސަރުކާރުގެ އެކި އިދާރާތަކުގެ އިސްވެރިން ހޭލުންތެރިކުރުވައި، އެ އިދާރާތަކާއެކު ގުޅިގެން މަސައްކަތްކުރުމަށް މަގުފަހިކުރުމެވެ.
މި ބައްދަލުވުމުގައި ބައިވެރިވި އިދާރާތަކުގެ އިސްވެރިން ވުޒާރާގެ މަސައްކަތްތަކާ ގުޅޭގޮތުން ސުވާލުކޮށް، އިތުރު މަޢުލޫމާތު ހޯދާފައިވާކަމަށް ވުޒާރާއިން މަޢުލޫމާތު ދެއެވެ. އަދި މުސްތަޤުބަލުގައި މިފަދަ ބައްދަލުވުންތައް އިތުރަށް ބޭއްވުމަށް ރޭވިފައިވާކަމަށްވެސް ވުޒާރާއިން ބުނެއެވެ.
