ރާއްޖެއިން އިންޑިއާއަށް ކަނޑައަޅާ އާ ސަފީރަކަށް މިވަގުތު ފޮރިން މިނިސްޓްރީގެ އެޑިޝަނަލް ސެކްރެޓަރީގެ މަގާމުގައި ހުންނެވި އާއިޝަތު އަޒީމާ އައްޔަން ކުރަން ރައްޔިތުންގެ މަޖިލީހުން މިއަދު ފާސްކޮށްފި އެވެ.
ސަފީރުކަމަށް އަޒީމާ އައްޔަނުކުރަން މަޖިލީހުން ފާސްވީ ވޯޓުގައި ބައިވެރިވެވަޑައިގެންނެވި 79 މެމްބަރުންގެ އިއްތިފާގުންނެވެ.
އަޒީމާއަކީ ރާއްޖޭގައި ހުންނެވި ފާހަގަކޮށްލެވޭ ތަޖުރިބާކާރު ޑިޕްލޮމެޓެކެވެ. އަޒީމާ ވަނީ 2019 ވަނަ އަހަރުން ފެށިގެން 2023 ވަނަ އަހަރުގެ ސެޕްޓެމްބަރު މަހުގެ ނިޔަލަށް ރާއްޖެއިން ޗައިނާއަށް ކަނޑައެޅުއްވި ސަފީރު ކަމުގެ މަގާމްވެސް އަދާކުރައްވާފައެވެ. މިއާއެކު އަޒީމާ ވެވަޑައިގަންނަވާނީ ރާއްޖެއާއި އެންމެ ގާތް ގުޅުމެއް ބާއްވަމުން ގެންދަވާ އިންޑިޔާ އާއި ޗައިނާގެ ސަފީރުކަން ކުރައްވާ ފުރަތަމަ ބޭފުޅާ ކަމުގައެވެ.
ރާއްޖޭގެ ތާރިހުގައި ފުރަތަމަ ފަހަރަށް ހެދި ބައިލިޓަރަލް ފްރީ ޓްރޭޑް އެއްބަސްވުން 2014 ވަނަ އަހަރު ޗައިނާއާއެކު ހެދުމުގައި އަޒީމާ މުހިއްމު ދައުރެއް އަދާކުރެއްވިއެވެ.
ނިމިދިޔަ އެމްޑީޕީ ސަރުކާރުން 2023 ވަނަ އަހަރު ރާއްޖެއިން އިންޑިޔާއަށް ކަނޑައެޅި ސަފީރަކަށް ހަމަޖެއްސެވީ އިބްރާހިމް ޝަހީބެވެ. އެމަނިކުފާނުގެ ދައުރު ހަމަވީ މިއަހަރުއެވެ. ޤާނޫނުގައިވާ ބުނެފައި ވަނީ ސަފީރުން އައްޔަން ކުރެވޭނީ 3 އަހަރުގެ މުއްދަތަކަށް ކަމަށެވެ.
