މ.އަތޮޅު މުލަކުގައި 500 ޓަނުގެ ކޯލްޑް ސްޓޯރޭޖް ފެސިލިޓީއެއް ގާއިމްކުރުމުގެ އެއްބަސްވުމުގައި މިއަދު ސައުދީގެ ކުންފުންޏަކާއެކު އެއްބަސްވުމެއްގައި ސޮއިކޮށްފިއެވެ.
ފިޝަރީޒް މިނިސްޓްރީގައި އިއްޔެ ބޭއްވި ރަސްމިއްޔާތެއްގައި މި ކޯލްޑް ސްޓޯރޭޖް ފެސިލިޓީ ގާއިމްކުރުމަށް ސަރުކާރުން ހަވާލުކޮށްފައިވަނީ ސައުދީ އަރަބިއްޔާގެ އާރްއޯއެސް ފޯ ޓްރޭޑިން ކޮމްޕެނީއާއެވެ.
މިކަމާއި ގުޅޭ އެއްބަސްވުމުގައި ފިޝަރީޒް މިނިސްޓްރީގެ ފަރާތުން ސޮއިކުރެއްވީ ޑިރެކްޓަރ ޖެނެރަލް އީނާސް ނަސީރުއެވެ. އަދި އާރްއޯއެސް ފޯ ޓްރޭޑިން ކުންފުނީގެ ފަރާތުން ސޮއިކުރެއްވީ އެ ކުންފުނީގެ ޑެޕިއުޓީ ޑައިރެކްޓަރު ހަމަދު މުހައްމަދު އަލްމިންހާލީއެވެ.
މި ކޯލްޑް ސްޓޯރޭޖް ގާއިމްކޮށް ނިމުމުން އެތަނުގައި ދުވާލަކު 50 ޓަނުގެ މަސް ގަނޑުކޮށްފައި ބެހެއްޓޭނޭކަމަށް ފިޝަރީޒް މިނިސްޓްރީން ވިދާޅުވިއެވެ.
މި މަސައްކަތް ނިންމަން ހަވާލުކޮށްފައިވަނީ، 300 ދުވަހުގެ ތެރޭގައި މަސައްކަތް ނިންމާގޮތަށެވެ. އަދި މި މަޝްރޫއުއަކީ 80 މިލިއަން ރުފިޔާގެ މަޝްރޫއުއެކެވެ.
