ދެކުނު ކަޝްމީރުގެ ފިރުދައުސާ ބަޝީރު ވަނީ އޭނާގެ އިސްލާމީ ކެލިގްރަފީގެ ފަންނުން މީހުން ހައިރާން ކޮށްލާފައެވެ. މައްސުނި ކުލަތަކާއި މުއްސަނދި އަރަބި އަކުރުގެ ފަންނުވެރިކަމުން އޭނާ ވަނީ އާދަޔާ ޚިލާފް ހުނަރެއް ދައްކާފައެވެ.
އިންޑިއާގެ ބޮޑު ވަޒީރު ނަރެންދްރަ މޮދީވެސް ވަނީ އޭނާގެ އެންމެ ފަހުގެ މާނކީ ބާތު ރޭޑިއޯ ޕްރޮގްރާމުގައި ފިރުދައުސާގެ ކާމިޔާބީގެ ވާހަކަ ދައްކަވައި އަމިއްލަ ސަގާފަތް ދަމަހައްޓާ ޒުވާނެއް ކަން ފާހަގަ ކުރައްވާފއެވެ. ފިރުދައުސާ އާ މޮދީއާ ބައްދަލުވެފައެއް ނުވެއެވެ. ކަޝްމީރު ވޮއިސްއާ ވާހަކަ ދައްކަމުން އޭނާ ބުނެފައި ވަނީ މޮދީއާ ބައްދަލު ކުރުމަކީ އޭނާގެ އުންމީދެއް ކަމަށެވެ.
ކަޝްމީރުގެ އަނަންތާންގް ޑިސްޓްރިކްޓްގެ ފިރުދައުސާގެ ދަތުރު ފެށިގެން އައީ 12 ވަނަ ގްރޭޑް ނިންމުމަށްފަހު، އެހެން ދިމާއަކަށް އެނބުރި ދިއުމުގެ ބަދަލުގައި އިސްލާމީ ކެލިގްރަފީއަށް ހުރި ޝައުގުވެރިކަން އިތުރަށް ވަރުގަދަކޮށް ހުނަރުވެރިވުމަށް ކުރި މަސައްކަތުންނެވެ. ފިރުދައުސާއަކީ ދީނީ ޢިލްމަށް ލޯބިކުރާ ޒުވާނެކެވެ. މިހާރު ފިރުދައުސާއަކީ ކަޝްމީރުގައި ގެއްލެމުންދާ އިސްލާމީ އަތުލިޔުން ދެމެހެއްޓުމަށް މަސައްކަތް ކުރާ ޒުވާނެކެވެ. މިއީ އަމިއްލަ އަތުން ކީރިތި ޤުރުއާން ލިޔުމަށް މަޝްހޫރު މީހުން އުޅޭ ސަރަހައްދެކެވެ.
އެހެން މީހުންނަށް ފަންނުވެރިކަމާއެކު އަތުލިޔުން ލިޔުމަށް ޝައުޤުވެރި ކުރުމަށް އޭނާ ވޯކްޝޮޕްތައްވެސް ހިންގައެވެ. އަދި މައުރަޒުތަކުގައި ބައިވެރިވެ ޒުވާނުން ޝައުޤުވެރި ކުރުވައެވެ.
