މަކަރުން މީހެއްގެ އަތުން ފައިސާ ހޯދި ތުހުމަތުގައި އއ. މާޅޮހު އަންހެނަކު ހޯދަން ފުލުހުން އިއުލާން ކޮށްފިއެވެ.
މި މައްސަލައިގައި ފުލުހުން ހޯދަނީ އެ ރަށު ހައްވާ ތައުލީމާ، ބަނަފުސާގެ (41އ)އެވެ.
ފުލުހުން ބުނިގޮތުގައި އޭނާ ހޯދަނީ ހުޅުމާލެ ފޭސް 1 ޕޮލިސް ސްޓޭޝަނުން ތަހުގީގު ކުރަމުންދާ، މަކަރާއި ހީލަތުން މީހެއްގެ އަތުން ފައިސާ ހޯދާފައިވާކަމަށް ތުހުމަތުކުރެވޭ މައްސަލައެއްގެ ތަހުގީގަށް މީހަކު ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ ކަމަށެވެ.
އަދި މައްސަލައިގެ ތުހުމަތުގައި ސުވާލުކުމަށް ހައްވާ ތައުލީމާ ހުޅުމާލެ ފޭސް 1 ޕޮލިސް ސްޓޭޝަނަށް، އަންނަ މަހު 6 ވަނަ ދުވަހުގެ 10:00 އަށް ހާޒިރުވުމަށްވެސް ފުލުހުން ބުނެފައިވެއެވެ.
