މިއަދާ ހަމައަށް މަސްވެރިންނަށް ނުދެވިހުރި ފައިސާގެ ޖުމުލަ އަދަދު، މިހާރު ވާނީ މިފްކޯއާ ޙަވާލުކުރައްވާފައިކަމުގައި ރައީސުލްޖުމްހޫރިއްޔާ ޑޮކްޓަރ މުހައްމަދު މުއިއްޒު ވިދާޅުވެއްޖެއެވެ.
ރައީސް މިކަން ހާމަކުރެއްވީ އެމަނިކުފާނުގެ ރަސްމީ "އެކްސް" އެކައުންޓުން މިއަދު ކުރެއްވި ޕޯސްޓެއްގައެވެ.
މަސްވެރިންގެ ކަންބޮޑުވުންތަކަށް އަމާޒުކުރައްވައި، ކުރައްވާފައިވާ މި ޕޯސްޓުގައި އެ މަނިކުފާނު ވަނީ، ދިވެހީންގެ ރާއްޖެ މެނިފެސްޓޯގައިވާ ފަދައިން، 48 ގަޑި އިރު ތެރޭގައި ދެމެހެއްޓެނިވި ގޮތެއްގައި މަސްވެރިންނަށް ފައިސާ ދެވޭނޭ ނިޒާމު ގާއިމު ކުރެއްވުމުގެ މަސައްކަތް ކުރިއަށްދާކަމުގައިވެސް ވިދާޅުވެފައެވެ.
މަސްވެރިން މަސް ކިރާ ވަގުތުން ފެށިގެން އެންމެ ލަސްވެގެން 48 ގަޑިއިރު ތެރޭގައި މަސްވެރިޔާއަށް ފައިސާ ލިބޭނޭ އިންތިޒާމު ހަމަޖެއްސުމަކީ، ދިވެހީންގެ ރާއްޖެ މެނިފެސްޓޯގެ މުހިންމު އަމާޒެކެވެ.
