ރައްޔިތުންގެ މަޖިލީހުގެ ނައިބު ރައީސް, އަހުމަދު ނާޒިމް އޮސްޓްރޭލިއާގެ ސިޑްނީއަށް ފުރަވަޑައިގެންފިއެވެ.
މި ކަން ހާމަކުރައްވާ މަޖިލީހުގެ އިދާރާއިން ވަނީ ރޭ "އެކްސް" ގައި ޕޯސްޓެއް ކުރައްވާފައެވެ.
ނައިބުރައީސް އަހުމަދު ނާޒިމްގެ މި ދަތުރުފުޅަކީ ސިޑްނީގައި ކުރިއަށް ގެންދާ 67 ކޮމަންވެލްތް ޕާލަމެންޓަރީ ކޮންފަރެންސަށް ކުރައްވަމުން ގެންދަވާ ދަތުރުފުޅެކެވެ. މި ދަތުރުފުޅުގައި އެމަނިކުފާނުގެ އަރިހުގައި މަޖިލީހުގެ ނިލަންދޫ ދާއިރާގެ މެންބަރު ފާތިމަތު ސައުދާއާއި މަހިބަދޫ ދާއިރާގެ މެންބަރު އަހުމަދު ތޯރިގު އިތުރުން އަދި ހޮޅުދޫ ދާއިރާގެ މެންބަރ އަބްދުއްސައްތާރު މުހައްމަދު ވަޑައިގެންވި ކަމުގެ މައުލޫމާތު ލިބިފައިވެއެވެ.
މީގެ އިތުރުން މަޖިލީހުގެ އަމީން އާންމު ފާތިމަތު ނިއުޝާ އަދި މަޖިލީހުގެ ފޮރިން ރިލޭޝަންސްގެ ޑިރެކްޓަރ ޒުއްޔިނާ ބަދުރީވެސް މި ދަތުރުފުޅުގައި ބައިވެރިވެ ވަޑައިގެންނެވިއެވެ.
މަޖިލީހުގެ އިދާރާއިން ވިދާޅުވެފައިވަނީ މި މަހުގެ 3 އިން 8 އަށް ކުރިއަށްދާ މި ކޮންފަރެންސް ނިންމާލެއްވުމަށްފަހު މަޖިލީހުގެ ވަފްދު ރާއްޖެ ވަޑައިގަންނަވާނީ މި މަހުގެ 9ގައި ކަމަށެވެ.
މި ކޮންފަރެންސްއަކީ ކޮމަންވެލްތް ޕާލިަމެންޓަރީ އެސޯސިއޭޝަން (ސީޕީއޭ) ގެ އަހަރީ ކޮންފަރެންސް އެވެ.
