ދުބާއީ އެއާޕޯޓް ފްރީޒޯންގައި ހުންނަ ހަލާލް ޓްރޭޑް އެންޑް މާކެޓިން ސެންޓަރު (އެޗްޓީއެމްސީ) އަކީ ދުނިޔޭގެ ފެންވަރުގައި ހަލާލް ވިޔަފާރި ކުރިއެރުވުމުގައި ވަރަށް މުހިންމު ދައުރެއް އަދާކުރާ ސެންޓަރެކެވެ.
ހަލާލް ގޮތްގޮތަށް ވިޔަފާރީޣެ ކަންކަން ބަހައްޓަން ޖެހޭ ގޮތުގެ ތަމްރީނާއި، ހަލާލު މާކެޓްގެ އިންސައިޓްސް، އަދި ހަލާލު ބިޒްނަސް ސަޕޯޓް ޕްރޮގްރާމް ފަދަ ހިދުމަތްތައް އެޗްޓީއެމްސީން ފޯރުކޮށްދެއެވެ.
އެޗްޓީއެމްސީން ވަނީ ހަލާލު ވިޔަފާރީގައި އުޅޭ ދުނިޔޭގެ 50 އަށް ވުރެ ގިނަ ޖަމާއަތް، ޖަމިއްޔާތަކާ އެކު ޕާޓްނަޝިޕްތައް ގާއިމްކޮށްފަ އެވެ. މި މަސައްކަތްތަކުގެ މަގުސަދަކީ ޙަލާލު މުދަލުގެ އެކްސްޕޯޓް އިތުރުކޮށް، ކާބޯތަކެއްޗާއި، ކޮސްމެޓިކްސް، އަދި މުސްލިމުންނާ ރައްޓެހި ފަތުރުވެރިކަމުގެ ދާއިރާތަކުގެ ވިޔަފާރިތައް މެދުއިރުމައްޗާއި، ދެކުނު އިރުމަތީ އޭޝިއާއާއި އަދި އެއަށް ވުރެން ދުރު މާކެޓްތަކާ ގުޅުވައިދިނުމެވެ.
އެޗްޓީއެމްސީން ދުނިޔޭގެ ވިޔަފާރިއަށް އެހީތެރިވެދެނީ ކުންފުނިތަކަށް ހަލާލު މިންގަނޑުތައް ހާސިލްކުރުމުގައި އެހީތެރިވެދީގެންނެވެ. ހަލާލު އުސޫލުތަކަށް ހޭލުންތެރިކަން އިތުރުކޮށްގެންނެވެ. މި އިސްނެގުމަކީ ދުބާއީގެ އިސްލާމީ އިގްތިސާދުގެ އަމާޒުތަކާ އެއްގޮތްވާ ކަމެއް ކަމަށާއި، މިއީ ހަލާލް ސިނާއަތްތަކުގައި ސަރަހައްދީ އަދި ދުނިޔޭގެ ކުރިއެރުން ހޯދުމަށް މުިހިންމު މަސައްކަތެއް ކަމަށް އެފަރާތުން ބުނެއެވެ.
